काठमाडा– बाल श्रम न्यूनीकरणका बिषयमा संचारमाध्यमका प्रतिनिधिहरूसँग छलफल कार्यक्रम भएको छ । शुक्रबार राजधानी काठमाडौंको अल्फाविटा हाउस वानेश्वरमा सो छलफल गरिएको हो । यहि जुन १२ तारिखमा मनाइने बालश्रम बिरूद्दको दिवसको पूर्वसन्ध्यामा कार्यक्रममको आयोजना गरिएको हो । सिविस नेपाल नामक संस्थाले आयोजना गरेको छलफलमा काठमाडौं, ललितपुर र भक्तपुर जिल्लाका पाँच वटा सामुदायिक विद्यालयका बाल क्लब तथा बाल संगठनका प्रतिनिधि विद्यार्थीहरूको सहभागीता रहेको थियो । त्यस अवसरमा बालबालिकाहरूले संचार माध्यमलाई बढी मात्रामा बालबालिकाहरूको मुद्दा उठाउन आग्रह गरेका थिए । उनीहरूले नेपालको संविधानले ब्यबस्था गरे बमोजिमको बालबालिकाहरूले पाउने हक अधिकार पूर्ण रूपमा स्थापित गराउन पत्रकारहरूले मिडियाबाट खबरदारी गरिदिन आग्रह गरेका छन् ।
त्यसैगरी पत्रकारहरूले राजनीति स्वतन्त्रता, मानअधिकार र बालअधिकारको पक्षमा नेपालका पत्रकारहरू सधै लागिरहने बताएका छन् । छलफलमा राजधानीमा रहेका पत्रपत्रिका, टेलिभिजन, रेडियो र अनलाइनका प्रतिनिधिहरूको सहभागीता रहेको थियो । सिविस नेपालका परियोजना संयोजक उमंग मैनालीले सहजिकरण गरेको कार्यक्रमको प्रमुख अतिथि नेपाल पत्रकार माहासंघका केन्द्रीय माहासचिव रोशन पुरी रहेका थिए । त्यस्तै सिविस नेपालका संस्थापक अध्यक्ष शान्ति अधिकारी, कार्यकारी सल्लाहकार बिन्दु पोखरेल गौतमले आफ्नो धारणा राखेका थिए ।
