रामेछाप- नेपाल तरुण दल रामेछापले भोटेकोशी बाढी प्रभावितको सहयोगका लागि आर्थिक सहयोग गरेको छ । नेपाली काँग्रेसको मातृ संस्था समेत रहेको नेपाल तरुण दल रामेछापले नेपाल तरुण दल केन्द्रीय कार्य समिति मार्फत प्रधानमन्त्री दैवी प्रकोप उद्धार कोषमा जम्मा गर्ने गरी ८५ हजार रुपैयाँ सहयोग गरेको हो । नेपाल तरुण दल रामेछापमा आबद्ध भएका तरुण युवा तथा रामेछापका अन्य तरुण युवाहरूबाट संकलन गरिएको रकम बुधवार नेपाल तरुण दल रामेछापका अध्यक्ष काजी बहादुर खड्का (दिनेश) ले केन्द्रीय समितिलाई हस्तान्तरण गर्दै सहयोग गरेका हुन् ।
भोटेकोशी नदीमा भदौ १० गते आएको बाढीबाट रसुवा, नुवाकोट, धादिङ, गोरखा लगायतका हजारौँ मानिसले ज्यान गुमाएका र लाखौँ मानिसहरू घरविहीन हुने अवस्थामा पुगेपछि उनीहरूको उद्धार, राहत र पुनर्स्थापना लागि उक्त रकम संकलन गरेर एक द्वार प्रणाली मार्फत उपलब्ध गराउने गरी संकलित रकम हस्तान्तरण गरिएको नेपाल तरुण दल रामेछापका उपाध्यक्ष बासु फुयालले जानकारी दिए ।
