रामेछाप- नेपाल निर्माण व्यवसायी माहासंघ रामेछापको वार्षिक साधारण सभा तथा ८ औं जिल्ला अधिवेशन सदरमुकाम मन्थलीमा सम्पन्न भएको छ । नेपाल निर्माण व्यवसायी माहासंघका केन्द्रीय अध्यक्ष रविसिंको प्रमुख आतिथ्यतामा बुधवार अधिवेशन सम्पन्न भएको हो ।
कार्यक्रममा बोल्दै अध्यक्ष सिंले सरकारले निर्माण क्षेत्रको स्पस्ट नीति दिन नसकेको आरोप लगाए । उनले स्वदेशी निर्माण व्यवसायीको क्षमतालाई बढाउन सरकारले सहयोग गर्नुपर्ने धारणा राखे । जिल्ला अध्यक्ष ईन्द्र तामाङको अध्यक्षतामा भएको कार्यक्रममा नेपाल निर्माण व्यवसायी माहासंघका केन्द्रीय बरिष्ठ उपाध्यक्ष निकोलस पाण्डे, केन्द्रीय उपाध्यक्ष एडी लामा लगाएतले देशको विकासमा निर्माण क्षेत्रको प्रमुख भुमिका रहेको धारणा राखेका थिए ।
अधिवेशनले बलराम श्रेष्ठको अध्यक्षतामा २५ सदस्यीय नयाँ कार्यसमिति समेत चयन गरेको छ । जसको बरिष्ठ उपाध्यक्षमा कृष्ण थापामगर, उपाध्यक्ष राजन सुवेदी र लाल बहादुर तामाङ, महासचिवमा राम कुमार पाण्डे, उप–माहासचिवमा सुरेन्द्र कार्की, सचिवमा विनोद बुढाथोकी र भिमसेन लामा, कोषाध्यक्षमा उत्तम कार्की र सह–कोषाध्यक्षमा हरिवंश कडरिया सर्बसम्मत रूपमा चयन भएका छन् ।
आफ्नो प्रतिकृया दिनुहोस्