रामेछाप- नेपाल जेसिजको राष्ट्रिय कार्यकारिणी उपाध्यक्षमा जीवन कार्की विजयी भएका छन् । विरगञ्जमा शनिवार सम्पन्न भएको नेपाल जेसिजको ४९ औँ राष्ट्रिय महाधिवेशनबाट नेपाल जेसिज वर्ष– २०२३ का लागि दोस्रो बढी मतका साथ कार्की राष्ट्रिय कार्यकारिणी उपाध्यक्षमा विजयी भएका हुन् । ४ कार्यकारिणी उपाध्यक्ष पदको लागि ९ जनाको उम्मेद्वारी रहेको थियो । कार्कीले ६ सय ३१ मत प्राप्त गरेका छन् ।
कार्कीलाई रामेछाप जेसिजले वर्ष २०२३ को लागि राष्ट्रिय कार्यकारिणी उपाध्यक्षमा प्रस्तुत गरेको थियो ।
कार्कीले नेपाल जेसिजको राष्ट्रिय उपाध्यक्ष– २०२२ र रामेछाप जेसिज अध्यक्ष– २०२१ को कार्यकाल सफल रुपमा बिताइसकेका छन् । कार्कीले नेपाल जेसिजको जिल्ला अध्यक्ष र राष्ट्रिय उपाध्यक्षमा पनि पहिलो प्रयासमै चुनावी प्रतिस्पर्धाबाट निर्वाचित भएका थिए ।
