रामेछाप- नेपाली काँग्रेस रामेछाप प्रदेश सभा ‘ख’ क्षेत्रीय सभापतिमा रामकृष्ण ढुंगेल विजयी भएका छन् । सभापतिका अर्का उम्मेदवार टासी लामालाई १ सय १७ मतको अन्तरले पराजित गर्दै ढुंगेल सभापतिमा निर्वाचित भएका हुन् ।
शनिवार सम्पन्न मत गणनाको अन्तिम नतिजा अनुसार ढुंगेलले ४ सय १५ मत प्राप्त गरेका थिए भने उनका निकटतम प्रतिस्पर्धी टासी लामाले २ सय ९८ मत पाएका थिए । त्यस्तै सभापतिका अर्का उम्मेदवार हर्कबहादुर खत्रीले ३९ मत मात्रै प्राप्त गरेका छन् । ढुंगेल १४औ महाधिवेशनमा पनि सभापतिमा सोही प्रदेशको सभापतिमा पराजित भएका थिए । यो पटक भने ढुंगेलले सहजै जित निकालेका छन् ।
त्यस्तै सचिवमा सुवाश जंग थापामगर ४ सय ३३ मतका साथ विजयी भएका छन् । उनले सचिव पदका अर्का उम्मेदवारलाई विपिनराज श्रेष्ठलाई २ सय २८ को मतान्तरले पराजित गरेका थिए । श्रेष्ठले २ सय ६ मत प्राप्त गरेका छन् । त्यस्तै खुला सहसचिवमा अमृत थोकर निर्वाचित भएका छन् । थोकले सहसचिवका अर्का उम्मेदवार अनिलराज सत्याललाई पराजित गर्दै निर्वाचित भएका हुन् । सचिवमा निर्वाचित थोकले ४ सय ४१ मत ल्याएका थिए भने सत्यालले २ सय २५ मत प्राप्त गरेका थिए । रामेछाप प्रदेश सभा ‘ख’ क्षेत्रीय उपसभापतिमा दिपक पाण्डे र महिला सहसचिवमा रिता ढुंगेल निर्विरोध निर्वाचित भइसकेका छन् ।
त्यस्तै रामेछाप प्रदेश सभा ‘ख’ बाट प्रदेश अधिवेशन प्रतिनिधिमा क्रमशः सुमित्रा मोक्तान, चण्डिका उप्रेती, जय प्रकाश गौतम, अस्मिता चौलागाई, विष्णुमाया लामा, निजुका खड्का, देवेन्द्र महते, श्रीबहादुर माझी, रमेश ढुंगेल, कमल योञ्जन, कोमल शंकर घिमिरे, टीकराज आरण, नविन्द्र गोले, बासुदेव फुयाल, बुद्धिबहादुर पुलामी मगर, भेषबहादुर थापा, सुजन घिसिङ, देवराज योञ्जन, रमेश थोकर, निर्मल घिसिङ, किर्मसिंह तामाङ, नविन कुमार थापामगर र लिला तामाङ निर्वाचित भएका छन् ।
