सिहंदेवी निर्माण सेवा प्रालिले केही व्यक्तिहरुले आफ्नो व्यक्तिगत स्वार्थ पूरा गर्न र राजनैनितक प्रतिशोध राखेर भ्रामक समाचार प्रकाशन गर्न लगाएको आरोप लगाएको छ । कम्पनीले सोमबार एक प्रेस विज्ञप्ती जारी गर्दै कम्पानीका निर्देशक राजन सुवेदीको व्यक्तिग एवं संस्थागत चरित्र हत्या हुने गरी केही व्यक्तिहरुले एक पक्षिय रुपमा समाचार प्रकाशन गर्न लगाएको आरोप लगाएको हो ।
कम्पनीका संचालक कृष्ण सुवेदीद्धारा हस्ताक्षरित विज्ञप्तीमा केहि व्यक्तिहरुले आफ्नो स्वार्थ पूरा गर्न र राजनैतिक प्रतिशोध राखेर समाचार प्रकाशन गर्न लगाएको उल्लेख छ । केहि दिन अघि रामेछाप र ओखलढुंगाको सिमना हुँदै बग्ने लिखु नदीमा अवैध बालुवा उत्खनन् तथा चोरी निकाशी भएको भन्ने समाचार आएको र उक्त समाचारमा कुनै सत्यता नरहनुका साथै बालुवा उत्खनन् तथा निकाशीमा आफ्नो कम्पनीको कुनै संलग्नता नरहेको पनि कम्पनीले विज्ञप्तीमा जनाएको छ । जारी विज्ञप्ती अनुसार ओखलढुंगा जिल्ला लिखु गाउँपालिका वडा नं. २ का स्थानीय जंगबहादुर खड्काले लिखु नदी छेउमा पर्ने आफ्नो आवदी जग्गामा बालुवा निकाल्नको लागि कम्पनीबाट स्क्याभेटर भाडामा लिएको प्रष्ट्याएको छ । यसैगरी विगत ७ वर्षदेखि नेपाल सरकारको सार्वजनिक खरिद ऐन अनुसार छनोट भई काम गरेको कम्पनीलाई राजनीतिक पहुँच र पावरको भरमा काम पाएको भन्नु सार्वजनिक खरिद ऐन र समग्र राजनीतिकै वद्नाम भएको समेत विज्ञप्तीमा उल्लेख छ ।
कम्पनीले आफूहरुको संलग्नता नै नरहेको विषयमा आफ्नो नाम भजाई भ्रामक समाचार आउनु व्यक्तिगत र संस्थागत चरित्र हत्या गरी व्यक्तिगत स्वार्थ लिने र राजनैतिक प्रतिशोध साँध्ने उद्देश्य भएको भन्दै झुट समाचारको पछि नलाग्न आम सर्वसाधारणलाई अपिल गरेको छ । यसैगरी आफ्नो अभिव्यक्ति राख्न पाउने स्वतन्त्रता जो कोहिलाई भएपनि अरुको मान हानी र चरित्र हत्या गर्ने गरी एक पक्षिय समाचार लेख्न र प्रकाशन गर्न कसैलाई छुट नभएको भन्दै सत्यतथ्य बुझेर मात्र समाचार प्रसारण एवं प्रकाशन गर्न सम्पूर्ण संचारमाध्यमलाई अनुरोध गरेको छ । त्यस्तै सामाजिक सञ्जाल प्रयोग कर्ताहरुलाई पनि समाचारको सत्यता बुझेर मात्रै शेयर गर्न विज्ञप्तीमा अनुरोध गरिएको छ ।
यस्तो छ विज्ञप्ती
