रामेछाप– सुनापति दलित एकता समाजको दोस्रो साधारणसभा शनिबार भक्तपुरमा सम्पन्न भएको छ । साधारणसभाले संस्थाको आगामी कार्यकालका लागि नयाँ नेतृत्व चयन गर्नुका साथै स्थानीय तहमा निर्वाचित दलित जनप्रतिनिधि तथा दलित अधिकारको क्षेत्रमा योगदान पु¥याउने व्यक्तित्वलाई सम्मान गरेको छ ।
साधारणसभाबाट राजकुमार खातीको अध्यक्षतामा नयाँ कार्यसमिति सर्वसम्मत रूपमा चयन गरिएको हो । नवगठित कार्यसमितिको उपाध्यक्षमा देवराज विश्वकर्मा, सचिवमा तेज दर्नाल, सहसचिवमा प्रकाश विश्वकर्मा तथा कोषाध्यक्षमा सहदेव विश्वकर्मा चयन भएका छन् ।
त्यसैगरी सदस्यहरूमा मानबहादुर विश्वकर्मा, सोममाया विश्वकर्मा, कविन्द्र नेपाली, सुनिल धमला, सरस्वती नेपाली, दीपा विश्वकर्मा, कल्यान विश्वकर्मा र निर्मला नेपाली चयन भएका छन् । नवनिर्वाचित पदाधिकारी तथा सदस्यहरूले दलित समुदायको सामाजिक, शैक्षिक, आर्थिक तथा राजनीतिक सशक्तीकरणका लागि सक्रियतापूर्वक काम गर्ने प्रतिबद्धता व्यक्त गरेका छन् ।
दोस्रो साधारणसभाको अवसरमा सुनापति गाउँपालिकामा निर्वाचित दलित जनप्रतिनिधिहरूलाई सम्मान गरिएको थियो । स्थानीय तहमा दलित समुदायको प्रतिनिधित्व गर्दै जनसेवा र सामाजिक रुपान्तरणमा योगदान पु¥याएको भन्दै गाउँ कार्यपालिकाका सदस्य मीनकुमार खाती र रिता कामी धमला तथा गाउँसभा सदस्यहरू कमला विश्वकर्मा, मैयाँ विश्वकर्मा, कमला जैरु र कुमारी विश्वकर्मालाई सम्मान गरिएको हो ।
यसैगरी, दलित अधिकार, सामाजिक न्याय तथा समुदायको हक–अधिकार स्थापनाका लागि निरन्तर सक्रिय रहँदै आएका दलित अधिकारकर्मी जेबी विश्वकर्मालाई पनि सम्मान गरिएको संस्थाले जनाएको छ ।
कार्यक्रममा सहभागी वक्ताहरूले दलित समुदायको हकहित, समान अवसर र सामाजिक न्याय सुनिश्चित गर्न सामूहिक एकता, संगठनात्मक सुदृढीकरण र निरन्तर पैरवी आवश्यक रहेको धारणा व्यक्त गरेका थिए । उनीहरूले दलित समुदायभित्र शिक्षा, चेतना र नेतृत्व विकासलाई प्राथमिकतामा राख्दै आगामी दिनमा संस्थालाई अझ प्रभावकारी रूपमा अघि बढाउनुपर्नेमा जोड दिएका थिए ।
