रामेछाप- राष्ट्रिय स्वतन्त्र पार्टी रामेछापको सभापतिमा रमेश कुमार रायमाझी निर्वाचित भएका छन् । शनिवार रामेछापको सदरमुकाम मन्थलीमा सम्पन्न भएको पहिलो जिल्ला अधिवेशनबाट रायमाझी सर्वसम्मत रूपमा सभापतिमा निर्वाचित भएका हुन् । त्यस्तै समितिको उपसभापतिमा मोहन कार्की, सचिवमा दिल बहादुर थापा (दिनेश), सहसचिवमा टेक बहादुर सुनुवार र कोषाध्यक्षमा समिक्षा श्रेष्ठ निर्वाचित भएका छन् । उनीहरू सबै सर्वसम्मत रूपमा निर्वाचित भएको रास्वपा रामेछापले जनाएको छ । समितिको सदस्यमा क्रमशः अर्जुन श्रेष्ठ, लक्ष्मण बस्नेत, कमल कार्की, इश्वरी लामिछाने, केशव रोक्का र चन्द्रा खड्का निर्वाचित भएका छन् ।
समितिको सभापति, पदाधिकारी लगायत सदस्यहरूले यस अघिको तदर्थ समितिमा अहिले निर्वाचित भएकै पदमा रहेर काम गरी सकेका छन् ।
जिल्ला सभापति बन्नको लागि रमेश कुमार रायमाझी, समिक्षा श्रेष्ठ र रास्वपाको संस्थापक सभापति राजु बुढाथोकीले इच्छा देखाएको भए पनि निर्वाचनमा भाग लिन आएका प्रतिनिधि सहितको आन्तरिक छलफलमा पुरानै समितिलाई यथावत् राख्ने सहमति भएपछि पुरानै कार्यसमितिलाई प्रथम जिल्ला अधिवेशनले अनुमोदन गरेको थियो ।
