रामेछाप- रामेछाप जिल्लाका विभिन्न ठाउँमा रहेका चर्चहरूले ख्रीष्टीयन धर्मका प्रवर्तक येशूख्रीष्टकाे जन्म जयन्ती भव्य रूपमा मनाएका छन् । जिल्ला सदरमुकाम मन्थली, भलुवाजाेरकाे कुनाैरी, तिल्पुङकाे हलेदेवेशीमा यशूख्रीष्टकाे प्राथना,प्रवचन सहित साङ्गितिक प्रस्तुति दिएर ख्रीष्टीयन धर्मावलम्बीहरूले क्रिसमस डे मनाएका हुन् । मुख्य आकर्षणकाे रूपमा क्रिसमस ट्रि रहेको थियाे । सहभागीहरूले विभिन्न भेषभुषामा सजिएर नाचगान गरेका थिए । कार्यक्रममा जनप्रतिनिधि, नागरिक समाजका अगुवा, स्थानीय लगाएत विभिन्न क्षेत्रका व्यक्तित्वहरूकाे सहभागीता रहेकाे थियाे ।
ख्रीष्टीयन धर्मका प्रवर्तक येशूख्रीष्टकाे जन्म आजभन्दा पच्चीस सय पच्चीस वर्ष पहिले डिसेम्बर पच्चीस तारिखका दिन इजरायलकाे वेथलेहेममा भएको थियाे । प्रभू येशूले प्रेम, शान्ति र मूक्तिकाे बाटाे देखाएकाे चर्चका पास्टरहरूले वताएका छन् । पछिल्लो समय २०६३ सालबाट सरकारले नै सार्वजनिक विदा दिएर क्रिसमस डे मनाउन थालेपछि उल्लासमय वातावरण बनेकाे येशू धर्मावलम्बीहरूले वताएका थिए ।
