रामेछाप– मन्थली सहिद स्मृति बहुमुखी क्याम्पस स्ववियु सभापतिमा सुशिल थापा निर्वाचित भएका छन् । अनेरास्ववियुको तर्फबाट उम्मेद्वार रहेका थापाले २०७ मत ल्याएर निर्वाचित भएका हुन् ।
थापाले नेविसंघबाट उम्मेद्वार रहेका विपुल रोकालाई पराजित गर्दै आफु निर्वाचित भएका हुन् । पराजित रोकाले १५२ मत मात्रै प्राप्त गरे । अखिल क्रान्तिकारीको तर्फबाट अध्यक्षको उम्मेद्वार रहेका अनोज भुजेलले ६५ मत पाएका छन् ।
तस्तै स्ववियु सचिवमा अनेरास्ववियुका उम्मेद्वार मुकेश भण्डारीले १८५ मत ल्याउँदै जितेका छन् भने कोषाध्यक्षमा पनि अनेरास्ववियुकै उम्मेद्वार मशली तामाङले २०३ मत सहित जितेकी छिन् ।
सदस्यमा क्रमशः तुलसा उप्रेती, यलिना माझी, जीवन पहरी, मनोज श्रेष्ठ र कर्ण श्रेष्ठले जितेका छन् । सदस्यमा निर्वाचित कर्ण श्रेष्ठ नेविसंघ र अरु चार अनेरास्ववियुकै उम्मेद्वारु रहेका छन् ।
मंगलवार सम्पन्न निर्वाचनमा ५ सय ३१ मध्य ४ सय २७ मतदाताले मतदान गरेका थिए ।
