रामेछाप- नेपाल आदिवासी जनजाति पत्रकार महासंघ (फोनिज) बागमती प्रदेशको अध्यक्षमा पुनः युवराज श्रेष्ठ निर्वाचित भएका छन् ।
रामेछापमा शनिवार सम्पन्न तेस्रो महाधिवेशनले रामेछापका श्रेष्ठको नेतृत्वमा २२ सदस्यीय कार्य समिति सर्वसम्मत निर्वाचित गरेको हो ।
शुक्रवारबाट सुरु भएको महाधिवेशनबाट उपाध्यक्षमा काभ्रेका दिलबहादुर लामा, महासचिवमा काठमाडौंका राजु नापित र कोषाध्यक्षमा धादिङका शंकर श्रेष्ठ सर्वसम्मत चयन भएको निर्वाचन समितिले बताएको छ । शुक्रबार साँझबाट नयाँ नेतृत्व चयनका लागि सुरु भएको बन्दसत्र शनिबार बिहानसम्म चलेको थियो ।
