रामेछाप– रामेछापको मन्थलीस्थित पि एन पी अटो मोबाइल्स र यामाहा कम्पनीको संयुक्त आयोजनामा यामाहा बाइक राइड सम्पन्न भएको छ। शनिबार बिहान मन्थलीबाट सुरु भएको उक्त राइडमा २० भन्दा बढी यामाह कम्पनीका बाइकहरू सहभागी भएका थिए।
पर्यटन प्रवर्द्धनमा सहयोग
नेपालका विभिन्न गन्तव्यहरूको प्रवर्द्धन गर्दै पर्यटन विकासमा योगदान पुर्याउने उद्देश्यले आयोजना गरिएको यो राइड मन्थलीबाट सुरु भई जिरीसम्म सम्पन्न भएको थियो। आयोजकका अनुसार यो कार्यक्रमले यात्रा सहज बनाउन र पर्यटन प्रवर्द्धनमा टेवा पुर्याउने लक्ष्य लिएको छ।
राइडमा सहभागी भएका बाइक राइडरहरूले यात्रा सुरक्षित र रोमाञ्चक भएको प्रतिक्रिया दिएका छन्। सहभागीहरूका अनुसार मन्थलीदेखि जिरीसम्मको यात्रा सहज मात्र नभई रमाइलो पनि रह्यो। यस प्रकारका कार्यक्रमहरू आगामी दिनहरूमा निरन्तर आयोजना गरिनुपर्ने उनीहरूले बताएका छन्।
यामाहा ग्राहकहरूलाई विशेष छुट
पि एन पी अटो मोबाइल्सका प्रोपाइटर नारायण कुमार प्रधानका अनुसार राइडमा सहभागी भएका सेवाग्राहीहरूलाई विशेष अफर स्वरूप ३ पटकसम्म बाइक सर्भिस गर्दा १५ प्रतिशत छुट प्रदान गरिनेछ। उनका अनुसार ग्राहकहरूको सुविधालाई मध्यनजर गर्दै यामाहा बाइकको गुणस्तर, सर्भिस र ग्राहक सन्तुष्टिलाई प्राथमिकता दिने उद्देश्यले कार्यक्रम आयोजना गरिएको हो।
भविष्यमा यस्ता राइडलाई निरन्तरता दिने योजना
यामाहा कम्पनी र पि एन पी अटो मोबाइल्सले भविष्यमा पनि यस्तै रोमाञ्चक बाइक राइड कार्यक्रमहरू आयोजना गर्ने योजना बनाएको छ। आयोजकका अनुसार यामाहा बाइकप्रेमीहरूलाई नयाँ गन्तव्यमा लैजाने, यात्राको अनुभव बाँड्ने र सुरक्षाका उपायहरूबारे सचेतना फैलाउने उद्देश्य राखिएको छ।
यो कार्यक्रम स्थानीय पर्यटन प्रवर्द्धनमा टेवा पुर्याउने मात्र नभई बाइक राइडरहरूका लागि सुरक्षित यात्रा प्रोत्साहन गर्ने एक राम्रो पहल भएको सहभागीहरूले बताएका छन्।
