रामेछाप- रामेछाप जिल्ला सहकारी संघद्वारा एक सहकारी, एक सहकारी अभियन्ता र एक सहकारी व्यवस्थापक सम्मानित भएका छन् । संघको शनिवार सम्पन्न छैठौँ साधारणसभामा सङ्घमा आबद्ध भएका १ सय ९९ सय सहकारी मध्ये सहकारी तर्फ नवजागरण बचत तथा ऋण सहकारी संस्था, सहकारी अभियन्ता तर्फ जनहित कोष बचत तथा ऋण सहकारी संस्थाका अध्यक्ष मुकुन्द प्रसाद कडरिया र व्यवस्थापक तर्फ मन्थली बचत तथा ऋण सहकारी संस्थाका व्यवस्थापक भेषबहादुर श्रेष्ठ सम्मानित भएका हुन् ।
सम्मानित एक संस्था, एक अभियन्ता र एक व्यवस्थापकलाई कार्यक्रमका प्रमुख अतिथि एवं प्रतिनिधि सभा सदस्य पूर्णबहादुर तामाङ कान्छारामले सम्मान पत्र प्रदान गरेर सम्मान गरेका थिए ।
सम्मानित भएको सहकारी संस्था, सहकारी अभियन्ता र सहकारीका व्यवस्थापकलाई विभिन्न मापदण्डमा टेकेर छनौट गरिएको रामेछाप जिल्ला सहकारी संघका अध्यक्ष हिमाल ढुंगेलले बताए । गएको आर्थिक वर्ष देखि सुरु गरिएको सम्मान कार्यक्रमलाई आगामी वर्षमा समेत निरन्तरता दिँदै जाने अध्यक्ष ढुंगेलले बताए ।
आफ्नो प्रतिकृया दिनुहोस्