रामेछाप- नेकपा एमाले बागमती प्रदेशको अध्यक्षमा रामेछापका कैलाश प्रसाद ढुङ्गेल निर्वाचित भएका छन् । शुक्रवार राती सम्पन्न अन्तिम मत परिणाम अनुसार ढुङ्गेलले अर्का उम्मेदवार कृष्ण दाहाललाई पराजित गर्दै अध्यक्षमा निर्वाचित भएका हुन् । ढुङ्गेलले ६ सय ९६ मत प्राप्त गरी विजयी हुँदा दाहालले ४ सय ३९ मत पाएका थिए । प्रदेश कमिटीको उपाध्यक्षमा दावा दोर्जे लामा, सचिवमा नवराज सिलवाल, उपसचिवमा प्रेम कुमार महर्जन र भक्त कुमारी लामा निर्वाचित भएका छन् । प्रदेश कमिटीको लेखा आयोगको अध्यक्षमा पनि रामेछापका श्याम कृष्ण श्रेष्ठ निर्वाचित भएका छन् ।
प्रदेश कमिटी सदस्यमा रामेछापबाट १४ जना निर्वाचित भएका छन् । निर्वाचित हुने सदस्यहरूमा क्रमशः शान्ती प्रसाद पैडेल, प्रेम बहादुर तमाङ्ग, गंगा कार्की, लब श्रेष्ठ, ज्ञान कुमार श्रेष्ठ, गोपाल श्रेष्ठ, अर्जुन कार्की, शेर बहादुर सुनुवार, सिता खत्री, दिपशिखा दाहाल, माया कार्की, पर्शुराम बस्नेत, घनश्याम सार्की र हर्कमाया माझी रहेका छन् ।
