रामेछाप- प्रथम मन्थली नगर कप रनिङ शिल्ड पुरुष भलिवल प्रतियोगिताको उपाधि मन्थली नगरपालिका वडा नं १ ले जितेको छ । मंगलबार भएको फाइनल खेलमा मन्थली नगरपालिका वडा नं १४ लाई हराउँदै मन्थली १ ले उपाधि जितेको हो ।
वडा नम्बर १ ले वडा नम्बर १४ लाई २५–२१, २५–२२ र २५–१७ को सोझो सेटले हराउँदै नगद पुरस्कार सहित उपाधि जितेको हो ।
प्रतियोगितामा वडा नं १४ फुलासी द्वितिय, वडा नं ६ भटौली तृतिय र वडा नं ४ सालु सान्त्वना भएका छन् ।
प्रथम, द्वितिय र तृतिय हुने क्रमश टिमहरुले क्रमशः शिल्ड, मेडल र प्रमाणपत्र सहित नगद रु १ लाख, ७५ हजार, ५० हजार प्राप्त गरेका छन् । भने सान्त्वना हुने वडा नं ४ सालुले ३० हजार नगद सहित शिल्ड र प्रमाण पत्र प्राप्त गरेको छ ।
प्रतियोगितामा विभिन्न स्थानमा बिजेता टिमहरुलाई मन्थली नगरपालिकाका नगर प्रमुख लव श्रेष्ठले पुरस्कार वितरण गरेका छन् । नगर प्रमुख श्रेष्ठले प्रथम नगर कपमा सबै वडाबाट उत्सहापूर्ण रुपमा सहभागिता रहेको बताउँदै आगामी दिनमा पनि सबै वडाहरुले खेललाई प्राथमिकतामा राखेर खेलकुदको माध्यमबाट मन्थली नगरलाई चिनाउन लाग्नु पर्ने धारणा राखे ।
आइतबार देखि सुरु भएको प्रतियोगितामा मन्थली नगरपालिकाका १४ ओटै वडाबाट एक÷एक टिम सहभागी भएका थिए ।
आफ्नो प्रतिकृया दिनुहोस्