रामेछाप- राष्ट्रिय स्वास्थ्य दर्पण हेल्थ अवार्ड- २०७९ डा. सुमन कर्माचार्य सहित ११ चिकित्सक, ६ स्वास्थ्यकर्मी र ४ पत्रकार सममानित भएका छन् । स्वास्थ्य दर्पण मिडिया नेटवर्कद्वारा शनिबार भरतपुरमा आयोजित हेल्थ अवार्डबाट डा. सुमन कर्माचार्य सहित २१ जना सम्मानित भएका हुन् । सम्मानित हुने अन्य चिकित्सकहरुमा डा. भोला प्रसाद रौनियार, डा. विजयराज न्यौपाने, डा. विजयचन्द्र आचार्य, डा. सुनीलमणी पोख्रेल, डा. हेमराज कोइराला डा. जगत कुमार दीप, डा. कमल दवाडी, डा. कमल लम्साल, निकेशराज श्रेष्ठ र डा. सुनील कुमार शाह रहेका छन । यस्तै सम्मानित हुने स्वास्थ्यकर्मीमा भिम बहादुर पाण्डे, केशव भट्ट, कृष्णहरि सापकोटा, सागर पोख्रेल, महेश्वर श्रेष्ठ र रमेश सुब्बा रहेका छन् ।
हेल्थ अवार्डबाट सम्मानित हुने पत्रकारहरुमा क्रमशः सुर्यप्रकाश कंडेल, सुरेश श्रेष्ठ, शंकर श्रेष्ठ र दिनेश कुमार महत रहेका छन् । स्वास्थ्य र पत्रकारिताको क्षेत्रमा सेवा र महत्वपूर्ण योगदान पु¥याएको भन्दै उनीहरु सम्मानित भएका हुन् ।
कार्यक्रमका प्रमुख अतिथि एवं नेपाली कांँग्रेसका नेता डा. शशांक कोइराला, नेपाल पत्रकार महासंघका अध्यक्ष विपुल पोख्रेल लगायतले सम्मानपत्रसहित उनीहरुलाई सम्मान गरेका थिए ।
सम्मानित भएपछि डा. सुमन कर्माचार्यले सम्मानले आफूले गरेको पेसा प्रति थप उर्जा थपिएको बताएका छन् । कर्माचार्य तामाकोशी अस्पताल मन्थलीका निर्देशक हुन् ।
