रामेछाप– रामेछाप प्रदेश सभा (क) को १३ हजार ७ सय ९४ मतगणना हुँदा एमालेका उम्मेद्वार शान्ति प्रसाद पौडेल ४ सय ११ मतले अगाडि भएका छन् । उमाकुण्ड गाउँपालिकाको मतगणना सम्पन्न हुँदा २ सय ८२ मतले पछाडि परेका पौडेलले गोकुलगंगाको वडा नं १, २, ३ र ४ मत गणना हुँदा पौडेलले माओवादीका तारानारायण भन्दा ४ सय ११ मतले अगाडि भएका हुन् ।
एमालेका पौडेलले हाल सम्म ५ हजार ४ सय ८ मत पाएका छन् भने माओवादीका श्रेष्ठले ४ हजार ९ सय ९७ मत पाएका छन् । त्यस्तै राप्रपका हिक्मत सुनुवारले १ हजार ९ सय १५ मत पाएका छन् भने एकीकृत समाजवादीका उम्मेद्वार रमेश कुमार बस्नेतले ३ सय ६१ मत पाएका छन् । सोमबार बेलुका देखि सुरु भएको मतगणना अहिले पनि जारी छ ।
