रामेछाप– सोमबार बेलुका देखि सुरु भएको प्रदेश सभा तर्फ उमाकुण्ड गाउँपालिकाको मतगणना सम्पन्न भएको छ । वडा नं १ देखि वडा ७ सम्मको मतगणना सकिदाँ माओवादी केन्द्रका तारानारायण श्रेष्ठ २ हजार ७ सय २४ मत सहित अगाडि रहेका छन् । एमालेका शान्ति प्रसाद पौडेलले २ हजार ४ सय ४२ मत पाएका छन् । श्रेष्ठ पौडेल भन्दा २ सय ८२ मतले अगाडि रहेका छन् ।
त्यस्तै राप्रपका हिक्मत सुनुवारले १ हजार पाँच सय ६७ मत पाएका छन् भने एकीकृत समाजवादीका उम्मेद्वार रमेश कुमार बस्नेतले २ सय १० मत पाएका छन् । उमाकुण्ड गाउँपालिकामा ७ हजार ५ सय २२ मत खसेको थियो । उमाकुण्ड गाउँपालिकाको मतगणना सकिदाँ ३ सय २३ मत बदर भएको छ ।
