रामेछाप– रामेछापको उमाकुण्ड गाउँपालिकाको वडा नं १, २ र ३ को मतगणना सकिदाँ प्रतिनिधिसभा सदस्यको पदमा नेपाली काँग्रेसका पुर्णबहादुर तामाङ (कान्छाराम) को अग्रता कायमै रहेको छ । उमाकुण्ड गाउँपालिकाको वडा नं १, २ र को मतगणना सकिदाँ एमालेका उम्मेद्वार कैलाश प्रसाद ढुंगेल भन्दा काँग्रेसका उम्मेद्वार पुर्ण बहादुर तामाङ कान्छाराम ५ सय ३८ मतले अगाडि रहेका छन् । कुबुकास्थलीमा तामाङले ४ सय ९४ मत पाएका छन् भने ढुंगेलले पनि ४ सय ९४ मत नै पाएका छन् ।
तामाङले हाल सम्म १ हजार ७ सय २४ मत पाएका छन् भने ढुंगेलले १ हजार १ सय ८१ मत पाएका छन् । उमाकुण्ड गाउँपालिकाको वडा नं १, २ र ३ को गरी ३ हजार ५ सय ३८ मतगणना सकिएको छ । सोमबार बुलेका देखि सुरु भएको मतगणना अहिले पनि जारी नै रहेको छ ।
