रामेछाप- विकासका नाममा आएको राज्यको पैसामा गिद्धे नजर लगाउने त कुरै छैन, बरु आफ्नो पैसाले राज्यले ध्यान दिन नसकेको विकास निर्माणको काम र समाजसेवा गर्दै १२ बर्ष देखि रामेछापको ओराली उकालीमा विताएका पूर्णवहादुर तामाङ (कान्छाराम) प्रतिनिधिसभा सदस्य पदमा उमेदवार भएपछि धेरै रामेछापेली विकासको अधुरो कुरा पुरा हुनेमा आशावादी देखिएका छन् । कान्छाराम यो पटक कॉग्रेसबाट उमेदवार वनेका छन् र मतदाताको चाहना पनि उनैलाई संसद वनाउने छ ।
‘व्यक्तिगत खर्चमा त यति धेरै काम गर्दै आएको व्यक्ति पदमा पुगेपछि जिल्लाबासीको समस्यामा पक्कै पनि कानमा तेल हालेर वस्नेछैन भन्ने विश्वासले उनको रुख चिन्हलाई मत दिने सरसल्लाह भएको छ ’ गुप्तेश्वरका कृष्णमाया सुनुवारले भनिन् । यसअघीका प्रतिनिधिले ध्यान दिन नसकेका नागरिकको समस्यामा कान्छारामको आंखा पुग्नेछ भन्ने विश्वास मतदातामा रहेको सुनुवारले वताईन । पक्की सडक, कृषिमा आधुनिकीकरण, सहज शिक्षा र स्वास्थ्यको लागि जिल्लामा धेरै काम गर्न बांकी रहेकोले त्यसका लागि सुनुवारले एक मात्र योग्य तिनै कान्छारामलाई देखेकी छिन् । कृष्णमाया सगैं गाउंका सवैको आशाको दियो अव कान्छाराम वनेका छन् । कान्छारामले गुप्तेश्वरमा पुगेर धेरैलाई गुन लगाउने आशा पनि जगाएर फर्केका छन् ।
कान्छाराम होचो कदका छन् । बोलिचालीको नाम पनि कान्छाराम । तर उनको समाजसेवाको भावनाले भने उनलाई उचो बनाएको छ । व्यक्तिगत कुनै लाभको आशा नगरी उनले जिल्लाका कयौं सडक निर्माण गरेका छन् । खानेपानी , विद्यालय, मठमन्दिर र गुम्बा वनाउन, सहयोग गरेका छन् ।
स्वास्थ्य क्षेत्रमा कान्छारामले गरेको सहयोग जिल्लामा मात्र हैन, देशकै लागि उदाहरणीय छ । आफ्नो परिवारको सम्पत्तिबाट उनले जिल्लाका विभिन्न स्थानबाट गुड्ने गरी १३ वटा एम्बुलेन्स निशूल्क उपलव्ध गराएका छन् । मृतकको शव वोक्नका लागि एउटा शव वहान उपलव्ध गराएका छन् । निशूलक दिएका एम्बुलेन्सको संचालनको बारेमा पनि उनले बारम्बार चासो राख्ने गरेका छन् । विग्रीएका एम्बुलेन्स आफ्नै खर्चमा मर्मत गरीदिने , चालकको तलव वेहार्ने , एम्बुलेन्सको शूल्क कसैले तिर्न नसकेको अवस्थामा त्यस्तो खर्च वेहोर्न पनि उनि पछि परेका छैनन् । गाडि दुर्घटना होस या प्राकृतिक प्रकोपमा परेका जिल्लाबासीको प्राण जोगाउनका लागि हेलिकप्टर लिएर घटनास्थलमा पुग्ने कान्छारामले धेरैको ज्यान वचाएका छन ।
कान्छाराम नेपाली काँग्रेसका नेता हुन । तर उनले सामाजिक सेवामा दल भनेका छैनन् । उनले काँग्रेसलाई मात्र गुन लगाएका छैनन् । जिल्लाका सवै नागरिकलाई समान आँखाले देख्ने उनले कोरोनाका बेला जिल्लाबाट उपचारका लागि काठमाण्डौं लैजानु पर्ने विरामीलाई निशूल्क एम्बुलेन्सको सेवा प्रदान गरे । त्यसबाट सयौ विरामी लाभान्वित भएका थिए । ‘पिपीई, अक्सिजन सिलिण्डर, मास्क, मात्र हैन, झण्डै २५ लाख पर्ने २ वटा आईसियु वेड समेत अस्पतालमा ल्याएर कोरोनाबाट जिल्लाबासीलाई वचाउने उनको योगदानलाई हामीले भुल्नै सक्दैनौं ’ रामेछापका उत्तरवहादुर श्रेष्ठले भने । उनले समाजमा योगदान गरेको आधारमा कान्छारामले सवैको माया पाउने ठोकुवा गरे ।
२०७४ को प्रतिनिधि सभा निर्वाचनमा पनि उमेदवार भएका कान्छाराम नेकपा (नेकपा) का उमेदवार संग पराजित भएका थिए । त्यस बेलाको निर्वाचन प्रचारमा जाँदा स्थानीयले उनी सँग राखेको माग उनले निर्वाचन हार्दा पनि पुरा गरिदिएर उदाहरणीय काम गरे । चनखु जाने सडक भताभुंग थियो , झण्डै ८० लाख खर्चेर ग्राभेल गरिदिए । गौश्वाराको विकट वस्तीमा सडक खोल्नका लागि निशूल्क डोजर दिए । रामेछाप र मन्थली नगरपालिकाका केहि सडक चौडा पार्ने काममा महिनौं डोजर त्यसै चलाउन दिए । अहिले पनि उनका मेसिन जिल्लामा सहज यातायात आवागमनका लागि तैनाथ छन् ।
कान्छाराम दयालु छन् । उनलाई संसद भएर पैसा कमाउने आशा छैन । निर्वाचन प्रचारमा गाउं पुगेका बेला उनले भनेका छन् – मलाई संसद सचिवालयबाट आउने तलव भत्ता गाउंकै सेवाका लागि समर्पित गर्छु । मलाई खान, लाउन र वस्न मेरै सम्पत्ति पुग्दो छ । संसदको हैसियत हुदाँ राज्यका निकायमा पहुँच हुने भएकाले जिल्लाको विकासमा आमुल परिवर्तन गर्ने उनको अठोट धेरैका लागि आशालाग्दो रुपमा खडा भएको ठोसेका सुन्दर कार्कीले वताए । कार्कीले भने – एउटा क्रियासिल समाजसेवीलाई राज्यको पहुँचमा पु¥याउदा जिल्लाले धेरै लाभ लिन सक्छ ।
यो पटक सत्ता गठवन्धनमा रहेका दल मध्ये काँग्रेस, माओवादी केन्द्र र एकिकृत समाजवादीका साझा उम्मेदवारको रुपमा कान्छाराम निर्वाचनको प्रचारमा यतिवेला मतदाताको घर दैलोमा छन् । अघिल्लो निर्वाचनमा एमाले र माओवादी मिलेर वनेको नेकपा जोड्दा धेरै माथि मत भएपनि अप्रत्याशित मत ल्याएर चर्चा कमाएका कान्छाराम यो पटक जितको सिढीमा उक्लिदैछन् । एमालेका कैलाश प्रसाद ढुंगेल उनका मुख्य प्रतिस्पर्धि भएपनि माओवादी र एकिकृत समाजवादीको साथ पाउदा ढुंगेललाई धेरै मतान्तरले कान्छारामले पछार्ने आंकलन मतदाताको छ ।
प्रदेश सदस्यमा माओवादीबाट क्रमस तारानारायण श्रेष्ठ र युवराज चौलागाई उमेदवार वनेका छन् । प्रदेश क मा उमेदवार भएका तारारायण श्रेष्ठ यस अघी संविधानसभाको सदस्य निर्वाचीत भएका अनुभवि राजनीतिज्ञ हुन । उनले सर्वदलिय संयन्त्रमा रहेर जिल्लाको विकासका लागि काम गरेका थिए । उता ख प्रदेशका प्रभावशाली युवा उमेदवार युवराज चौलागाई अभिव्यक्तिका कारण चर्चाको चुलीमा छन् । चौलागाईका बौदिक र तार्किक राजनीतिक विश्लेषण सहितको अभिव्यक्तिले उनको गोलाकार भित्रको हसियाँ हथौडामा भोट हाल्न मतदाता आतुर छन् ।
‘गठवन्धनबाट तिनै उमेदवारको जित सहज हुन्छ ’ माओवादी केन्द्रका नेता धावा लामा भन्छन् – गठवन्धनका नेता कार्यकर्ता एक भएर निर्वाचनमा लागेको परिदृष्यले पनि त्यसको छनक दिइसकेको छ । हामी धेरै माथिको मतान्तरमा निर्वाचन जित्दैछौं लामाले भने ।
