रामेछाप– ५८ औँ राष्ट्रिय बाल दिवस रामेछाप नगरपालिकाले विभिन्न कार्यक्रमको आयोजना गरी मनाएको छ । ‘बालमैत्री समाजको आधार ः जिम्मेवार परिवार, उत्तरदायी सरकार’ भन्ने नाराका साथ रामेछाप नगरपालिकाले बुधबार रामेछाप बजारमा हाजिरीजवाफ प्रतियोगिता, नृत्य प्रतियोगिता, २०७८ को एसइइमा उत्कृष्ट नतिजा ल्याउने बिद्यार्थीलाई सम्मान लागयतका कार्यक्रम गरी मनाएको हो ।
बाल दिवसको अवरमा आयोजित मावि स्तरीय हाजिरीजवाफमा कालिका मावि देउराली प्रथम, महारुद्र मावि बोलङबोलङ द्धितिय र जनकल्याण मावि च्यास्कु तृतिय भएका छन् । प्रतियोगितामा प्रथम हुने कालिका माविले ९ हजार, द्धितिय हुने महारुद्र माविले ६ हजार र तृतिय हुने जनकल्याण माविले ३ हजार नगद सहित पुरस्कृत भएका छन् । मावि स्तरीय हाजिरीजवाफ प्रतियोगितामा नगर भित्रका १० विद्यालयहरु सहभागी भएका थिए । हाजिरीजवाफ प्रतियोगिता रामेछाप नगरपालिकाका अधिकृत नारायाण सुवेदीले संचालन गरेको थिए ।
त्यस्तै बाल दिवसकै अवसर पारेर निमावि स्तरीय एकल नृत्य प्रतियोगिताको पनि आयोजना गरेको छ । एकल नृत्य प्रतियोगितामा गौरीशंकर माविकी छात्रा गुन्जन श्रेष्ठ प्रथम, जनकल्याण मावि च्यास्कुकी छात्रा शान्ता श्रेष्ठ द्धितिय, गंगालाल एकेडेमीकी छात्रा राशि श्रेष्ठ तृतिय र भिमेश्वर मावि रामपुरकी छात्रा भुमिका मगर सान्त्वना भएकी छिन् । नृत्य प्रतियोगितामा प्रथम, द्धितिय, तृतिय र सान्त्वना हुने छात्राहरुलाई क्रमशः पाँच हजार, तीन हजार, एक हजार पाँच सय र पाँच सय नगद सहित पुरस्कृत गरिएको छ ।
प्रतियोगितामा भाग लिने एकल नृत्यको मुल्यांकण लिला बरालको संयोजकत्वमा रामेछाप नगरपालिका वडा नं ८ का वडाध्यक्ष सन्तोष तामाङ र रामेछाप नगरपालिका महिला तथा बालबालिका शाखाका कर्मचारी बिमला शर्माले गरेका थिए ।
२०७८ को एसइइमा उत्कृष्ट अंक ल्याउने दुई जना विद्यार्थीलाई नगरपालिका नगद सहित सम्मान गरेको छ । सम्मानित हुनेमा हिमगंगा मावि साँघुटारका छात्र सबिन थापा र मावि भंगेरीका छात्रा प्रिती तामाङ रहेका छन् । हिमगंगा माविकका छात्र सबिन थापालाई नगद १० हजार र मावि भंगेरीका छात्रा प्रिती तामाङलाई नगद ९ हजार सहित सम्मान गरिएको छ ।
बाल दिवसकै अवसर पारेर यस अघि नै नगर भित्रका विद्यालयहरुमा अध्ययनरत विद्यार्थीहरु बीचमा ‘रामेछाप नगरका माटो’ शीर्षकमा आयोजना गरिएको निवन्ध प्रतियोगितामा सहभागी भई उत्कृष्ट हुने छात्र÷छात्राहरुलाई पनि पुरस्कृत गरिएको छ । निवन्ध प्रतियोगितामा मावि भंगेरीका छात्रा मेलिना श्रेष्ठ प्रथम, शारदा संस्कृत माविका सोनिका श्रेष्ठ दोस्रो, गौरीशंकर माविका आयुष खड्का तितृय र कालिका माविका मनिका खड्का सान्त्वना भएका छन् । प्रतियोगितामा प्रथम, द्धितिय, तृतिय र सान्त्वना हुनेलाई क्रमशः ६ हजार, ४ हजार, ३ हजार र २ हजार नगद प्रदान गरिएको छ । निबन्ध प्रतियोगितामा १४ जना विद्यार्थीहरु सहभागी भएका थिए ।
विभिन्न प्रतियोगितामा भाग लिइ पुरस्कृत तथा सम्मान हुनेहरु छात्रा÷छात्रहरुलाई रामेछाप नगरपालिकाका नगर प्रमुख लबश्री न्यौपाने, उपप्रमुख बाल कुमारी कार्की र प्रमुख प्रशासकीय अधिकृत रामचन्द्र लामगादेले पुरस्कार दिएर सम्मान गरेका थिए ।
आफ्नो प्रतिकृया दिनुहोस्