रामेछाप– जिल्ला समन्वय समिति रामेछापमा नेपाली काँग्रेस र नेकपा माओवादी केन्द्र बीच तालमेल हुने भएको छ । तालमेल गर्दा नेपाली काँग्रेसले प्रमुख र माओवादी केन्द्रले उपप्रमुख पाएको छ । प्रमुख पद पाएको काँग्रेसको भागमा एक महिला सहित तीन सदस्य परेको छ भने उपप्रमुख पाएको माओवादी केन्द्रको भागमा तिन महिला सहित चार सदस्य भागमा परेको छ ।
रामेछापमा नेपाली काँग्रेससँग ७ मत, नेकपा एमालेसँग ६ मत र माओवादी केन्द्रसँग ३ मत रहेका छन् । जिल्ला समन्वयको प्रमुख, उपप्रमुख र सदस्य जित्नको लागि कम्तिीमा ९ मत ल्याउनु पर्ने हुन्छ । काँग्रेस र माओवादी मिल्दा १० मत हुन्छ । काँग्रेस माओवादीको गठबन्धन हुँदा दश मत आउने भएपछि गठबन्धनको जित निश्चित भएको गठबन्धन पक्षका दलहरुले दावी गरेका छन् । उम्मेद्वारको विषयमा भने छलफल भइरहेको गठबन्धनमा रहेका दलहरुले बताएका छन् ।
निर्वाचन कार्यतालिका अनुसार जेठ २६ गते मनोनयन दर्ता गराउने र जेठ २९ गते मतदान हुने छ ।
