रामेछाप– रामेछापको उमाकुण्ड गाउँपालिकामा गाउँकार्यपालिकाको लागि नेकपा एमाले र नेपाली काँग्रेसले मात्रै उम्मेद्वारी दर्ता गराएका छन् । तर, नेकपा माओवादी केन्द्रले भने उम्मेद्वारी नै दिन पाएन् । गाउँ कार्यपालिकाको निर्वाचन कार्यतालिका अनुसार बिहिवार साँझ ५ बजे सम्म उम्मेद्वारी दर्ता गराउनु पर्ने भएपनि माओवादीले साँझ ५ बजे सम्म पनि उम्मेद्वारी दर्ता गराएन् । समय सकिएपछि उम्मेद्वारी दर्ता गराउन पुगेको माओवादी केन्द्रलाई अन्य दलले विरोध गरेपछि उम्मेद्वारी दर्ता गराउन नपाएको हो ।
माओवादी केन्द्र ५ बजे पछि मात्रै उम्मेद्वारी दर्ता गराउन आएको र उम्मेद्वारी दर्ता गराउने कि नगराउने भन्ने विषयमा छलफल हुँदै गर्दा नेपाली काँग्रेसले नियम अनुसार दर्ता गराउन नमिल्ने भन्ने किसिमको कुरा गरेपछि शुक्रबार सर्वदलिय छलफल गरेर मात्रै अगाडि बढ्ने गरी हाललाई दर्ता नगरिएको उमाकुण्ड गाउँपालिकाका निर्वाचन अधिकृत योगेन्द्र प्रसाद ढुंगेलले बताए ।
५ बजे अघि नै निर्वाचन अधिकृतको कार्यालयमा आएर फारम भर्ने काम गर्दा गर्दै केही समय ढिला भएको दावी गर्दै माओवादीले आफ्नो टेबुलमा पाँच बजे पछि मात्रै फाइल ल्याइपु¥याएको ढुंगेलले बताए ।
दर्ता गराउने समय सकिएपछि निर्वाचन कार्यालयले दर्ता गराउन मिल्दैन भन्नु पर्ने ठाउँमा छलफल गरेर अगाडि बढ्ने भन्ने किसिमको अभिव्यक्ति दिनु निर्वाचन अधिकृतको काममा संका पैदा भएको नेपाली काँग्रेसका जिल्ला कार्यसमिति सदस्य जित बहादुर कटुवालले बताए । २०७९ मा उमाकुण्ड गाउँपालिकाको अध्यक्षमा नेपाली काँग्रेसको तर्फबाट उम्मेद्वार समेत रहेका कटुवालले नियम भन्दा बाहिर रहेर दर्ता गरिएमा आफूहरु कानुनी उपचारमा जाने बताए ।
कार्यपालिकाको लागि नेकपा एमाले, नेपाली काँग्रस र नेकपा माओवादी केन्द्रको आफ्नो मात्रै बहुमत पुग्दैन । कार्यपालिका बनाउन १९ जना आवश्यक हुन्छ । नेकपा एमालेबाट १८, काँग्रेसबाट १३ र माओवादीबाट ६ जना निर्वाचित भएका छन् ।
कार्यपालिकाको लागि निर्वाचित महिला सदस्यबाट ४ जना र सोही गाउँपालिकाका दलित वा अल्पसंख्याकबाट २ जना गरी ६ जना कार्यपालिका सदस्य हुनेछन् ।
