रामेछाप- लिखुतामाकोशी गाउँपालिकाको वडा नं ६ खिम्तीमा विभिन्न पार्टी परित्याग गरी दुई दजर्न भन्दा बढी स्थानीयहरु नेपाली काँग्रेसमा प्रवेश गरेका छन् । नेपाली काँग्रेस खिम्ती–काठमाण्डौ सम्पर्क समितिले काठमाण्डौमा आयोजना गरेको अगुवा कार्यकर्ता घेटघाट तथा अन्तरक्रिया कार्यक्रममा नेकपा एमाले र नेकपा माओवादी केन्द्रमा आवद्ध दुई दर्जन भन्दा बढी नेता तथा कार्यकर्ता नेपाली काँग्रेसमा प्रवेश गरेका हुन् ।
साबिक खिम्ती गाबिस वडा ५, ६, ७, ८ र ९ बाट भिम ब थापा मगर, इन्द्र बहादुर मगर, भक्त बहादुर मगर, ज्ञान बहादुर मगर, सुन बहादुर तामाङ, दिल बहादुर मगर, दिपक थापामगर, कृष्ण तामाङ, अम्बर थापामगर, झल्क श्रेष्ठ, प्रभात थापामगर, उमेर श्रेष्ठ, भुमिराज थापामगर, कुमार श्रेष्ठ, आशिष श्रेष्ठ, भक्त बहादुर बरुवाल, राजेश बिक, शंकर बरुवाल, अनिल श्रेष्ठ, हमेदास श्रेष्ठ, लिला कुमार श्रेष्ठ, प्रमोद तामाङ, राजु श्रेष्ठ, पवन श्रेष्ठ लगायतका नेता तथा कार्यकर्ताहरु नेपाली काँग्रेसमा प्रवेश गरेको नेपाल तरुण दल रामेछापका सहसचिव जीवन कार्कीले बताए ।
नेपाली काँग्रेस खिम्ती–काठमाण्डौ सम्पर्क समितिका अध्यक्ष इबेन्द्र दाहालको अध्यक्षता तथा नेपाली काँग्रेस रामेछापका सभापति पुर्ण बहादुर तामाङ (कान्छाराम) को प्रमुख आतिथ्यतामा कार्यक्रममा भएको थियो ।
