रामेछाप- नेपाली काँग्रेस रामेछापका सभापति पुर्ण बहादुर तामाङ (कान्छाराम) ले रामेछापको सुकाजोरमा आगलागीबाट पीडित भएका परिवारलाई आर्थिक सहयोग उपलब्ध गराउने भएका छन् । शनिबार दिउँसो आगलागी हुँदा रामेछाप नगरपालिका वडा नं ७ सुकाजोरको रजयछापमा ११ घर जलेर नष्ट भएका थिए । आगलागीबाट घर जलेर नष्ट भएका ११ घर परिवारलाई सभापति तामाङले प्रति परिवार दश हजारका दरले एक लाख दश हजार रुपैयाँ आर्थिक सहयोग गर्ने बताएका हुन् ।
शनिबार साँझ उपसभापति लेख बहादुर कार्की र जिल्ला कार्यसमिति सदस्य गुन्ज बहादुर कार्की सहिति घटना स्थलमा पुगेका सभापति तामाङले पुर्ण रुपमा घर जले नष्ट भएका परिवारलाई थोरै भएपनि राहत पुर्याउने उद्देश्यले व्यक्तिगत रुपमा आर्थिक सहयोग गरेको बताए ।
आगलागीबाट धन बहादुर श्रेष्ठ, ठेक बहादुर मगर, एकलाल श्रेष्ठ, हिमलाल श्रेष्ठ, चिरन्जीवी श्रेष्ठ, इश्वरीलाल श्रेष्ठ, धन बहादुर मगर, दल बहादुर मगर, भिमलाल श्रेष्ठ र चेत बहादुर मगरको घर जलेर नष्ट छन् ।
आफ्नो प्रतिकृया दिनुहोस्