रामेछाप- मन्थली नगरपालिका वडा नं ७ मा ट्याक्टर दुर्घटना परी बेपत्ता भएका चालक मृत अवस्थामा भेटिएका छन् । आइतबार मध्यान्न मन्थलीबाट भटौली तर्फ जाँदै गरेको ज १ त ८३१८ नं को ट्याक्टर मन्थली यरपोर्ट पारीपट्टी दुर्घटना हुँदा बेपत्ता भएका चालक सरोज माझी तामाकोशी नदीमा मृत भेटिएका हुन् । उनको शव ट्याक्टर दुर्घटना भएको करिव तीस मिटर तल नदीमा डुबेको अवस्थामा भेटिएको बताइएको छ ।
सेण्ड फ्लाई टुर्स एण्ड ट्राभल्स र नेपाल रिभर रनरले तामाकोशी नदीमा भर्खरै संचालनमा ल्याएको र्याफ्टिङको सायहतमा करिव तीन घन्टा पछिको समयमा भेटिएको स्थानीय सानुबाबु पुरीले बताए । र्याफ्टिङको सायहतबाट खोजी कार्यमा चन्द्र खड्का लगायतको टिमले सहयोग गरेको थियो । तामाकोशी नदीमा र्याफ्टिङ संचालनमा ल्याउँदा पर्यटन प्रवद्र्धनमा सहयोग पुग्नुका साथै नदीमा दुर्घटना भएर मानिस बेपत्ता हुँदा खोजी कार्यमा समेत सहयोग पुग्ने स्थानीय सानुबाबु पुरीले बताए ।
दुर्घटनामा परी सामान्य घाइते भएका ट्याक्टरका सहचालक रमेश माझीको मन्थली प्राथमिक स्वास्थ्य केन्द्रमा उपचार भइरहेको छ ।
