रामेछाप- मन्थली नगरपालिका वडा नं ७ मा ट्याक्टर दुर्घटना भएको छ । आइतबार मध्याह्न मन्थलीबाट भटौली तर्फ जाँदै गरेको ज १ त ८३१८ नं को ट्याक्टर मन्थली यरपोर्ट पारीपट्टी दुर्घटना हुँदा चालक बेपत्ता भएका छन् भने सहचालक सामान्य घाइते भएका छन् ।
खाली अवस्थामा रहेको ट्याक्टर दुर्घटना भएर करिब एक सय मिटल तल तामाकोशी नदीमा खसेको प्रहरीले बताएको छ । दुर्घटनामा परी बेपत्ता भएका चालक सरोज माझीको खोजी कार्य भइरहेको जिल्ला प्रहारी कार्यालय रामेछापका प्रहरी उपरिक्षक तेज प्रसाद कडेलले बताए । कडेलका अनुसार सहचालक रमेश माझीको निधारमा चोट लागेको र हाल मन्थली प्राथमिक स्वास्थ्य केन्द्रमा उपचार भइरहेको छ ।
आफ्नो प्रतिकृया दिनुहोस्