रामेछाप- नेपाल तरुण दल मन्थली नगरपालिका वडा नं ३ कठजोरले साविक कठजोर गाविसको पाँच ओटा वडालाई खेलकुद सामाग्री वितरण गरेको छ । शनिबार एक कार्यक्रम आयोजना गरेर साविकका पाँच ओटा वडाका क्लब तथा समूहरुलाई खेलकुदमा सहयोग पुर्याउने उद्देश्यले भलिबल खेलका लागि सामाग्री वितरण गरेको हो ।
राष्ट्रिय खेलको रुपमा रहेको भलिबल खेलमा स्थानीय युवाहरुको चासो रहेको र विभिन्न प्रतियोगितामा भाग लिन जाँदा अभ्यासको कमी लगायतका कारणले केही ठाउँमा हार व्यहोर्नु परेकाले गाउँमै खेलको अभ्यास गर्न र खेललाई नियमित गराउनको लागि खेलकुद सामाग्री वितरण गरिएको नेपाल तरुण दल मन्थली नगरपालिका वडा नडा नं ३ कठजोरका अध्यक्ष किरण बोगटीले बताए । अध्यक्ष बोगटीका अनुसार साविकका पाँच ओटा वडालाई दश ओटा भलिबल, पाँच ओटा नेट र पाँच ओटा पम्प वितरण गरिएको छ ।
तरुण दल मन्थली नगरपालिका वडा नडा नं ३ कठजोरका अध्यक्ष किरण बोगटीको अध्यक्षता, नेपाली काँग्रेस रामेछाप जिल्ला कार्यसमितिका प्रवक्ता नारायण बोगटीको प्रमुख आतिथ्यता एवं मन्थली नगरपालिका वडा नं ३ का वडाध्यक्ष केशव कुमार रोकाको विशिष्ट आतिथ्यतामा भएको कार्यक्रममा प्रमुख अतिथि, विशिष्ट अतिथि, नेपाली काँग्रेस जिल्ला कार्यसमिति सदस्य साबित्रा केसी, नेपाली काँग्रेस मन्थली नगर उपसभापति योगेन्द्र श्रेष्ठ लगायतले भनाई राखेका थिए ।
नेपाल तरुण दलको सहयोगमा साविकको पाँच ओटै वडालाई समेट्ने गरी भलिबल, नेट र पम्प उपलब्ध गराएपछि स्थानीय युवाहरुलाई भलिबल खेलमा थप सहयोग पुग्ने स्थानीय काँग्रेस युवा नेता सन्तोष खत्रीले बताए । खेलकुदको लागि आफूहरुले विगत देखि नै सहयोग गर्दै आएको खत्रीले बताए ।
आफ्नो प्रतिकृया दिनुहोस्