रामेछाप- लायन्स क्लव जिएलटी बहु जिल्ला एमडी–३२५ का कोअडिनेटर एवं लायन्स क्लवका पूर्व जिल्ला गभर्नर शम्भु प्रसाद घिमिरेले रामेछाप जिल्लाका १० हजार विद्यार्थीलाई न्यानो कपडा वितरण गर्ने अभियान सुरु गरेका छन् । रामेछाप लायन्स क्लवका पूर्व अध्यक्ष समेत रहेका घिमिरेले जिल्लाभरी रहेका शिशु कक्षा देखि १२ कक्षा सम्ममा अध्ययनरत करिव ४५ हजार विद्यार्थीलाई न्यानो कपडा वितरण गर्ने अभियान रहेको र यो वर्ष १० हजार विद्यार्थीलाई वितरण गर्ने गरी अभियान सुरु गरिएको बताए ।
विद्यार्थीलाई न्यानो कपडा वितरणको कारण बताउँदै घिमिरेले भने– ‘अहिले पनि शिशु कक्षा देखि कक्षा १२ सम्म पढ्ने केही विद्यार्थी भाहिबहीनहरुलाई जाडो समयमा लगाउने कपडा नहुँदा विद्यायल जानबाट बञ्चित हुनु परेको अवस्था हामीले देख्यौँ, त्यसैले पनि त्यस्ता विद्यार्थीलाई विद्यालय जान र जाडोबाट बच्नको लागि सहयोग पु¥याउने उद्देश्यले यो अभियान सुरु गरेका हौँ । जिल्लाका विभिन्न विद्यालयबाट सहयोगको अपेक्षा गर्नुभएको छ । जसअनुसार विद्यार्थीको संख्या यकिन गर्दा जिल्लाभरी करिव ४५ हजार विद्यार्थी देखियो । यसमा यो वर्ष अर्थात पहिलोपटक करिव १० हजार विद्यार्थीलाई कपडा वितरण गर्ने छौँ । त्यसपछि विद्यालयको माग अनुसार थप्दै जाने छौँ र सबै विद्यार्थीलाई न्यानो कपडा पु¥याउने छौँ ।’
विद्यालय तथा विद्यालय व्यवस्थाप समिति मार्फत धेरै माग आइरहेको र प्रत्येक विद्यार्थीलाई ठिक हुने साइज बनाएर आफ्नै खर्चमा विद्यालयमा पुगेर न्यानो कपडा वितरण गर्न थालिएको घिमिरेले बताए । रामेछाप नगरपालिकाको वडा नं ८ घर भएका घिमिरेले आफू जन्मेको नगरपालिकाबाट कपडा वितरणको अभियान सुरु गरिएको बताए ।
हाल सम्म करिव २ हजार विद्यार्थीलाई न्यानो कपडा वितरण गरिसकिएको पनि उनले बताए ।
लामो समय देखि लायन्स क्लवमा आवद्ध घिमिरेले आफ्नै आर्थिक सहयोगमा लायन्स क्लवको आयोजनामा न्यानो कपडा वितरणको अभियान थालेको बताइएको छ ।
