रामेछाप- रामेछाप नगरपालिकाले रामेछाप जिल्ला कारागारमा रहेका महिला कैदीहरुलाई सूचना र मनोरञ्जनका लागि एलइडी टेलिभिजन प्रदान गरेको छ । आइतबार रामेछाप नगरपालिकाका उपप्रमुख सृजना खड्काले कारागारमा रहेका महिला कैदीहरुलाई सूचना र मनोरञ्जनका लागि सयहोग पुर्याउने उद्देश्यले ३२ इन्चको एक थान एलइडी टेलिभिजन प्रदान गरेकी हुन् ।
एलइडी टेलिभिजन प्रदान गर्दै उपप्रमुख खड्काले विभिन्न कारणले लामो समय देखि कारागारमा कैद भुक्तान गरीरहेका महिलाहरुलाई देश तथा विदेशमा भइरहेका घटनाक्रमको बारेमा सूचना लिन र मनोरञ्जन लिन सहयोग पुग्ने विश्वास व्यक्त गरिन् । टेलिभिजन लिँदै कारागारमा रहेका महिलाहरुले आफूहरुको दैनिकीलाई काममा परिणत गर्न नगरले सिलाई मेसिन पनि उपलब्ध गराए थप सहयोग हुने माग राखेपछि उपप्रमुख खड्काले कारागारमा रहेका महिलाहरुलाई उनिहरुको दैनिकलाई सहज बनाउन नगरपालिकाले थप सहयोग गर्ने प्रतिवद्धता व्यक्त गरिन् । उपप्रमुख खड्काले कारागारमा रहेका महिला कैदीलाई दिन कटाउन सहज हुने बताउदै नगरको सानो सहयोगले समाजमा सकरात्मक सन्देश जाने धारणा राखिन् ।
उपप्रमुख खड्काको नेतृत्वमा रामेछाप नगरपालिकाको निमित्त प्रमुख प्रशासकीय अधिकृत होम बहादुर थापा, कानुनी सल्लाहकार लोकहरी दाहाल, राजस्व शाखाका प्रमुख हरीभगत श्रेष्ठ, जिन्सि शाखाका घना माया श्रेष्ठ सहितको टोलीले कारागारमै पुगेर एलइडी टेलिभिजन सेट प्रदान गरेपछि कैदी महिलाहरुले नगरपालिकालाई धन्यबाद दिएका छन् ।
