रामेछाप- संविधानसभा सदस्य एवं नेपाली काँग्रेस नेता आङटावा शेर्पाले नेपाली काँग्रेसको १४ औँ महाधिवेशनमा केन्द्रीय सदस्यमा उम्मेद्वारी दिने घोषणा गरेका छन् । काँग्रेसको १२ औँ र १३ औँ महाधिवेशन देखि केन्द्रीय सदस्य बन्ने इच्छा भएकाले यस पटक जित्ने गरी केन्द्रीय सदस्यमा उम्मेद्वारी दिने घोषणा गरिएको शेर्पाले बताए ।
पार्टी भित्रको आन्तरिक सहमतीको नाउँमा यस अघि दुई महाधिवेशनमा केन्द्रीय सदस्य बन्नबाट बञ्चित भएको र यस पटक जसरी पनि केन्द्रीय सदस्यमा जित्ने गरी आफूले उम्मेद्वारीको दिने शेर्पाले बताए । १२ औँ र १३ औँ महाधिवेशनमा शेर बहादुर देउवा र विमलेन्द्र निधिले चुनाव पछि मनोनित गरेर कुनै न कुनै पद दिने आश्वासन दिएको भएपनि दुबै जनाले चुनाव जितेपछि उनिहरुले बाचा पुरा नगरेको आरोप लगाए । शेर्पाले शिर्ष नेताहरुले टिममा राखेर चुनाव लडाए त्यहीबाट लड्ने र कसैले टिममा नराखे स्वतन्त्र रुपमा भएपनि उम्मेद्वारी दिने तयारीमा आफू रहेको बताए । उनले जनजाति तर्फबाट आफ्नो उम्मेद्वारी हुने बताए ।
यस्तो छ शेर्पाको मुख्य–मुख्य राजनीतिक यात्रा
शेर्पा काँग्रेस राजनीतिमा सानै उमेरदेखि लागेको भएपनि मुख्यतयाः २०४८ सालको चुनावमा साविकको चुचुरे गाविसको वडाध्यक्षमा निर्वाचित भएपछि उनि राजनीतिमा बढी सक्रिय भए । २०४९ सालमा जिल्ला विकास समिति रामेछापको उपसभापतिमा निर्वाचित भएर २०४९ देखि २०५५ साल सम्म निरन्तर काम गर्ने मौका पाए । २०५९ सालमा पार्टी सभापति भएका शेर्पाले आफ्नो कार्यकाल ६ महिना पुरा गर्न नपाउँदै पार्टी फुट्यो । पार्टी फुटेर प्रजतान्त्रिक काँग्रेस भएपछि शेर्पालाई त्यहि प्रजतान्त्रिक काँग्रेसको पार्टी सभापति बन्ने अर्को अवसर मिल्यो । २०६४ साल सम्म प्रजतान्त्रिक काँग्रेसको पार्टी सभापति भएर काम गर्ने मौका पाएका शेर्पाले २०६४ सालमा काँग्रेस एकीकरण पश्चात पार्टी सह–सभापतिको जिम्मेवारी पाए ।
लामो समय पछि २०६४ सालमा भएको पहिलो संविधानसभाको निर्वाचनमा रामेछाप क्षेत्र नं १ बाट सांसदमा चुनाव लडेका शेर्पाले माओबादीका उम्मेद्वार तारानारायण श्रेष्ठसँग हार बेहोर्नु प¥यो । पहिलो संविधानसभाको निर्वाचनमा हार बेहोरेका शेर्पाले २०७० सालमा मा भएको दोस्रो संविधानसभाको निर्वाचनमा रामेछाप क्षेत्र नं १ बाट सांसद हुने मौका पाए । सांसद भएपछि नेपालको संविधान बनाउन महत्वपूण भूमिका खेलेका शेर्पाले रामेछाप जिल्लालाई हिमाली जिल्लामा समावेश गराउन सफल भए ।
रामेछाप काँग्रेसको राजनीतिमा विभिन्न तहको नेतृत्वदायि भूमिकामा रहेका शेर्पाले माओवादीको सशस्त्र दोन्द्वमा माओवादी पक्षबाट भौतिक यातना देखि मानसिक यातनाहरु भोग्नु परेको थियो ।
काँग्रेस नेता शेर्पा २०४८ साल देखि हाल सम्म नेपाली काँग्रेसको महाधिवेशन प्रतिनिधिमा हुँदै आएका छन् ।
आफ्नो प्रतिकृया दिनुहोस्