रामेछाप- नेपाल आदिवासी जनजाति पत्रकार महासंघ (फोनिज) रामेछापको अध्यक्षमा कुमार श्रेष्ठ निर्वाचित भएका छन् । नेपाल आदिवासी जनजाति पत्रकार महासंघ (फोनिज) रामेछापको बिहिवार भएको चौथो जिल्ला अधिवेशनले श्रेष्ठलाई सर्वसम्मत निर्वाचित गरेको हो ।
उपाध्यक्षमा निरोज श्रेष्ठ, सचिवमा शान्ता श्रेष्ठ, सह–सचिवमा दिपक लामा र कोषाध्यक्षमा सम्बर बहादुर हायु ‘प्रशान्त’ निर्वाचित भएका छन् । त्यस्तै सदस्यहरुमा क्रमशः रमेश तामाङ, रीता मगर, स्वतन्त्र मोक्तान र कर्मरिन्जी शेर्पा निर्वाचित भएका छन् ।
त्यस्तै केन्द्रीय पार्षदमा सुमित श्रेष्ठ, युनिक विफा घिसिङ, नवराज श्रेष्ठ र अनिता थापामगर निर्वाचित भएका छन् भने प्रदेश पार्षदमा युवराज श्रेष्ठ, नवराज श्रेष्ठ र निशा मोक्तान निर्वाचित भएका छन् । यसैगरी पर्यवेक्षकमा ज्ञानु श्रेष्ठ निर्वाचित भएको नवनिर्वाचित अध्यक्ष कुमार श्रेष्ठले जनकारी दिए ।
अध्यक्ष, पदाधिकारी, कार्यसमिति सदस्य, केन्द्रीय पार्षद र प्रदेश पार्षदमा निर्वाचित सबै सर्वसम्मत निर्वाचित भएको पनि अध्यक्ष श्रेष्ठले जानकारी दिए ।
अध्यक्षमा निर्वाचित श्रेष्ठ यस अघि फोनिजकै कोषाध्यक्षमा रहेका थिए भने नेपाल पत्रकार महासंघ जिल्ला शाखा रामेछापका कार्यसमिति सदस्य समेत हुन् । यस अघि फोनिज रामेछापको अध्यक्षमा नवराज श्रेष्ठ रहेका थिए ।
