कैलाश खत्री/ रामेछाप– मन्थली नगरपालिका र लिखुतामाकोशी गाउँपालिकाको सिमानामा सतल पार्टी निर्माण सम्पन्न भएको छ । मन्थली नगरपालिका र लिखुतामाकोशी गाउँपालिका स्थित तिल्पुङको सिमा क्षेत्रमा पर्ने कठजोर दोभानमा सतल पाटी बनको हो ।
तामाकोशी नदी तटमा सतलपाटी बनाउनको लागि मन्थली नगरपालिका वडा नं २ कठजोरका पूर्व शिक्षक मोहन बहादुर कार्कीले दुई लाख नीजि रकम खर्च गरेका छन् । उनले आफ्ना स्वर्गीय बाबु धर्म बहादुर कार्की र आमा गंगमाया कार्कीको स्मृतिमा सतल पाटी बनाएका हुन् । तामाकोशी नदी किनार आर्यघाट नजिक बनाइएको सतल पाटीमा धार्मिक कार्य गर्न तथा मलामी बस्न समेत मिल्ने बताइएको छ ।
सतल पाटीको उद्घाटन विहिबार पूर्व गृह राज्यमन्त्री एवं प्रतिनिधिसभा सदस्य श्याम कुमार श्रेष्ठले गरेका थिए । संसाद श्रेष्ठले तामाकोशी नदी किनारमै निर्माण हुन लागेको महोत्कल्लेश्वर महादेव मन्दिरको शिलान्यास समेत गरेका छन् ।
कार्यक्रममा प्रतिनिधिसभा सदस्य श्याम कुमार श्रेष्ठ र संवधिानसभा सदस्य तारानायण श्रेष्ठ, पुर्व शिक्षक मिन प्रसद मिमिरे लगायतले आ–आफ्नो भनाई राखेका थिए । कार्यक्रममा नेकपा माओवादी केन्द्र मन्थली नगर कमिटी सचिव राम बहादुर तामाङ, माओवादी केन्द्रका स्थानीय नेता कुंगलाल तामाङ, शिक्षक बद्री ढुंगेल लगायतको सहभागिता रहेको थिायो ।
