रामेछाप– नेकपा एमाले रामेछापले ८ पालिका मध्ये ७ पालिकामा पालिका अधिवेशन सम्पन्न गर्दै नेतृन्व चयन गरेको छ । मंगलबार देखि सुरु भएको पालिका अधिवेशनले मन्थली नगरपालिका, रामेछाप नगरपालिका, दोरम्बा गाउँपालिका, सुनापति गाउँपालिका, खाँडादेवी गाउँपालिका, उमाकुण्ड गाउँपालिका र गोकुलगंगा गाउँपालिकामा नयाँ नेतृत्व चयन गरेको हो ।
जिल्लाको सदरमुकाम समेत रहेको मन्थली नगरपालिकाको अध्यक्षमा रामबाबु घिमिरे सर्वसम्मत चयन भएका छन् । सचिव पदमा सर्वसम्मत हुन नसकेपछि राजु कार्की र सोनु रोकाबीच चुनावी प्रतिस्पर्धाबाट राजु कार्की निर्वाचित भएका छन् । सचिव पदमा भएको निर्वाचनमा कार्कीले ४१ मत प्राप्त गरेको थिए भने रोकाले २५ मत मात्रै प्राप्त गरेका थिए ।
रामेछाप नगरपालिकाको अध्यक्षमा रोशन पाख्रिन र सचिवमा सुन्दर घिमिरे चयन भएका छन् । उनिहरु दुबै जना सर्वसम्मत चयन भएका हुन् भने नगर कमिटीको अन्य पदाधिकारी र सदस्यहरु पनि सर्वसम्मत रुपमा चयन भएको नेकपा एमाले रामेछापले जानकारी दिएको छ ।
उमाकुण्ड गाउँपालिकाको अध्यक्षमा रुद्रमणी नेवार र सचिवमा चन्द्र खाती चयन भएका छन् । उनिहरु दुबै जना सर्वसम्मत चयन भएका हुन भने गाउँपालिका कमिटीका अन्य पदाधिकारी र सदस्यहरु पनि सर्वसम्मत रुपमा चयन भएको नेकपा एमाले रामेछापका सचिव आनन्द श्रेष्ठले जानकारी दिए । सचिव श्रेष्ठका अनुसार गोकुलगंगा गाउँपालिकाको अध्यक्षमा दीपक कार्की र सचिवमा तेम्बा शेर्पा चयन भएका छन् । गोकुलगंगा गाउँपालिका कमिटीका अन्य पदाधिकारी र सदस्यहरु पनि सबै सर्वसम्मत चयन भएका हुन् ।
त्यस्तै खाँडादेवी गाउँपालिकाको अध्यक्षमा पुस्कर कार्की र सचिवममा मोतीलाल तामाङ चयन भएका छन् । सुनापति गाउँपालिकाको अध्यक्षमा ज्ञान कुमार योञ्जन र सचिवमा रोज ग्यापक चयन भएका छन् भने दोरम्बा शैलुङ गाउँपालिकाको प्रेमबहादुर लामा र सचिवमा देउबहादुर थापामगर चयन भएका छन् । खाँडादेवी, सुनपति र दोरम्बा शैलुङ गाउँपालिकाका अन्य पदाधिकारी र सदस्यहरु सबै सर्वसम्मत चयन भएको जिल्ला सचिव श्रेष्ठले बताए ।
लिखुतामाकोशीमा भएन सहमती, २४ गते निर्वाचन
उता लिखुतामाकोशी गाउँपालिकाको नेतृत्व सहमितीमै टुंग्याउने प्रयास असफल भएपछि कात्तिक २४ गते निर्वाच हुने भएको छ । अध्यक्ष पदमा भीमबहादुर तामाङ, दुर्गा बहादुर श्रेष्ठ, केशरबहादुर पौडेल र शिव प्रसाद न्यौपानेले उम्मेदवारी दर्ता गराएका छन् । त्यस्तै उपाध्यक्ष पदका लागि इन्द्रबहादुर बुढाथोकी, लीला बहादुर बस्नेत र दीपबहादुर गुरुङले उम्मेदवारी दर्ता गराएका छन् भने सचिव पदमा रामकुमार पाण्डे, सुवास बोहरा र शेर बहादुर थापाले उम्मेदवारी दर्ता गराएका छन् । उपसचिवमा रविन्द्र पौडेल, विनोद खड्का र मिङ्मार तामाङले उम्मेदवारी दर्ता गराएका छन् । लिखुतामाकोशी गाउँ कमिटीको पादधिकारीमा निर्वाचन हुने भएपनि सदस्यहरु सर्वसम्मत चयन भएका छन् ।
नेकपा एमाले वडा कमिटीको अधिवेशन कात्तिक ६ गते नै सम्पन्न भइसकेको छ ।
आफ्नो प्रतिकृया दिनुहोस्