रामेछाप– नेपाली काँग्रेस रामेछाप प्रदेशसभा ‘क’ (क्षेत्र–१) को क्षेत्रिय सभापतिमा केशव महतले उम्मेद्वारी घोषणा गरेका छन् । नेपाली काँग्रेसका जिल्ला कार्यसमिति रामेछापका सदस्य समेत रहेका महतले काँग्रेसको १४ औँ अधिवेशनमा रामेछाप प्रदेशसभा ‘क’ (क्षेत्र–१) को सभापतिमा उम्मेद्वारी रहेको घोषणा गरेका हुन् ।
सवाल, सक्षम र गतिशील काँग्रेस बनाउने मुख्या नाराका साथ रामेछाप प्रदेशसभा ‘क’ (क्षेत्र–१) को आगामती नेतृत्वका लागि सभापतिमा उम्मेद्वारी दिएका महतले काँग्रेसको संगठनलाई बलियो बनाउने, भातृ संगठनहरुलाई चलायमान राख्ने, आगामी स्थानीय तहको निर्वाचनमा ४ ओटै पालिका र ३२ ओटा वडामा काँग्रेसलाई जिताउने, प्रदेशसभा र प्रतिनिधिसभामा पनि काँग्रेसलाई जिताउने आफ्नो मुख्य एजेण्डा रहेको बताए ।
सभापतिका उम्मेद्वार रहेका महतसँग काँग्रेसको १२ औँ अधिवेशनबाट क्षेत्रिय सचिवमा निर्वाचित भएर क्षेत्रमा काम गरेको अनुभव समेत रहेको छ ।
२०४४ साल देखि नेविसंघबाट काँग्रेसको राजीनितिमा होमिएका महतले २०४६ र २०६२÷६३ सालको जनआन्दोलनमा सक्रिय सहभागिता जनाएका थिए भने २०५६ सालको संसदीय निर्वाचनमा एमाले कार्यकर्तासँगको जडपमा घाइते समेत भएका थिए ।
२०४७ साल देखि २०५२ साल सम्म पाटन कलेजको नेविसंघमा सक्रिय रहेका महत माओवादीको सशस्त्र द्वन्द्वका कारण २०५८ साल देखि विस्तापित हुनु परेको थियो ।
आफ्नो प्रतिकृया दिनुहोस्