कबि थापा, गोलन्जोर– सिन्धुलीको गोलन्जोर गाउँपालिका भित्र रहेका कक्षा १२ का विद्यार्थीहरुलाई कोभिड–१९ विरुद्धको खोप लगाउन सुरु गरिएको छ । कक्षा १२ मा अध्ययनरत १८ वर्ष भन्दा माथी उमेर समूहका विद्यार्थीलाई गाउँपालिका अन्तरगतका स्वास्थ्य चौकीहरुबाट शुक्रबार देखि खोप लगाउन सुरु गरिएको हो ।
गोलन्जोर गाउँपालिका स्वास्थ्य शाखाका अनुसार कक्षा १२ मा अध्ययनरत १८ वर्ष भन्दा माथीका सबै विद्यार्थीहरुलाई एस्ट्राजेनेका खोपको पहिलो मात्रा लगाउँन थालिएको छ भने यस अघि कोभिसिल्डको पहिलो मात्रा लगाई सकेकालाई समेत दोस्रो मात्राको रुपमा खोप लगाउन थालिएको हो ।
विद्यार्थीहरुलाई खोप लगाउनको लागि १८ वर्ष पुरा भई कक्षा १२ पढ्दै गरेका विद्यार्थीले प्रवेशपत्र अनिवार्य ल्याए मात्रा खोप लगाउन पाउने गोलन्जोर गाउँपालिका स्वास्थ्य शाखाका प्रमुख विरेन्द्र शाहले बताए ।
