रामेछाप– मन्थली नगरपालिका वडा नं २ को कठजोरमा ६३ घरपरिवारलाई राहत वितरण गरिएको छ । रिड नेपाल र एएसविको आर्थिक सहयोगमा तामाकोशी पुस्तकालयले आर्थिक रुपमा बिपन्न, सामाजिक रुपमा पछाडि पारिएका तथा शारिरीक रुपमा अशक्त ६३ घरपरिवारलाई राहत वितरण गरिएको हो ।
कोभिड १९ का कारण समस्यामा परेका दलित, विपन्न, एकल महिला, अपागंता भएका व्यक्ति, दैनिक ज्यालादारीमा काम गर्ने व्यक्ति, जेष्ठ नागरीकहरुलाई खाद्यान्न तथा स्वास्थ्य सुरक्षा सामग्री सहितको राहत प्याकेज वितरण गरिएको पुस्तकालयका अध्यक्ष गुन्ज बहादुर श्रेष्ठले बताए ।
वडा कार्यालयको समन्वयमा आवश्यकता पहिचाहन गरेर विहान बेलुका छाक टार्नका लागि समस्या भएकाहरुलाई छनौट गरी राहत सामग्री वितरण गरिएको मन्थली नगरपालिका वडा नं २ का वडाध्यक्ष तरणीशंकर अधिकारीले बताए ।
पुस्तकालयले चामल, दाल, तेल, मसला, गेडागुडी, नुन, मास्क, सेनिटाइजर, थर्मोमिटर, सावुन, ब्रस, मन्जन लगायतका सामग्रीहरु वितरण गरेको छ ।
आफ्नो प्रतिकृया दिनुहोस्