रामेछाप– नेपाली काँग्रेस रामेछापका सचिव लेख बहादुर कार्कीले अदालतको फैसला ढिला आउँदा आफूले १८ वर्षको अवधिमा धेरै क्षति व्यहोर्नु परेको गुनासो गरेका छन् । २०६२ साल असार १४ गते काठमाण्डौ जिल्ला अदालतले ठगी मुद्दामा आफूलाई जरिवना सहित दुई वर्ष कैद सजय सुनाकोमा १३ महिना कैद भुक्तान गरी ६ लाख ८२ हजार ५ सय ५२ रुपैयाँ धरौटी बुझाएर छुटेपछि उक्त फैसलामा चित्त नबुझेर पुनरावेदन हुदैँ उच्च अदालत सम्म पुगेर २०७७ साल पौष १२ गते सफाई पएको भएपनि त्यो १८ वर्षको अवधीमा मापन गर्नै नसकिने क्षति व्यहोर्नु परेको गुनासो गरेका हुन् ।
सदरमुकाम मन्थलीमा मंगलबार पत्रकार सम्मेलन गरेर कार्कीले भने– ‘द्वन्द्वको बेला लागेको ठगी मुद्दामा सदरमुकाम मन्थलीबाट काठमाण्डौ सम्म पनि जान नसकेर आफूले प्रतिवादी समेत लगाउन सकिन । त्यही समयमा काठमाण्डौ जिल्ला अदालतका न्यायाधीश टंक बहादुर मोक्तानको इजालसले दुई वर्ष कैद र ६ लाख ८२ हजार ५ सय ५२ रुपैयाँ जरिवना सहितको फैसला सुनाएपछि मात्रै थाहा भयो । अदालतको फैसला अनुसार म २०६४ साल देखि १३ महिना ११ दिन जेल बसेर फर्के । मैले जेल बसेकै कारणले मेरो परिवाको अभिभावक बुबा समेत गुमाउनु प¥यो । त्यति मात्रै हैन, त्यस अवधीमा सामाजिक, राजनीतिक, आर्थिक लगायतका धेरै कुरा गुमाउन बाध्ये भएँ । १८ वर्षपछि भएको फैसला त्यो भन्दा अगाडि नै भएको भए सायद मैले धेरै कुरा गुमाउनु पर्ने थिएन होला ।’
कार्कीले नेपालको नायलयले एउटा मुद्दा फैसला गर्न दशकौ वर्ष लगाउँदा विभिन्न आरोप लागेर सजाय खेपीरहेका तर फैसला नभएका ७५ प्रतिशत आरोपीहरु निर्दोश रहेको दावी गरे ।
आफ्नो मुद्दा न्यायलयले समयमै फैसला नगर्दा गठी मुद्दा लागेको भनेर धेरै ठाउँमा अपमानित हुनु परेको गुनासो गर्दै अब नेपालका न्ययिक निकायहरुले यस्ता मुद्दालाई चोडो भन्दा चाडो फैसला गरेर नागरिकलाई स्वतन्त्र बनाउनु पर्ने धारणा राखे ।
काठमाण्डौ जिल्ला अदालतको फैसलामा चित्त नबुझेपछि कार्की सहित आरोपीले पुनरावेदन अदालतमा काठमाण्डौ जिल्ला अदालतको फैसला विरुद्ध मुद्दा दिएको भएपनि २०६५ माघ १२ गते पुनरावेदन अदालत पाटनले आरोपी मध्ये चन्द्रबहादुर खड्कालाई १ लाख ३६ हजार ५ सय १० रुपैँया जरिवाना गर्ने र अन्य आरोपीलाई भने काठमाण्डौ जिल्ला अदालतकै फैसला सदर गर्ने फैसला सुनाएको थियो ।
आरोपीहरुलाई उक्त फैसलामा चित्त नबुझेपछि पुनरावेदन अदालतको फैसला विरुद्ध सर्वोच्च अदालतमा परेको मुद्दामा न्यायाधीश तेजबहादुर केसी र पुरुषोत्तम भण्डारीको संयुक्त इजलासले आरोपी चारै जनालाई २०७७ साल पौष १२ गते सफाई दिने फैसला सुनाएको थियो ।
भिडियो हेर्न यहाँ क्लिक गर्नुहोसः फैसला ढिला हुँदा १८ वर्ष सम्म धेरै क्षति भोग्नु पर्यो’
