रामेछाप– रामेछापमा नेपाल हेभी इक्वीपमेन्ट अपरेटर संघ गठन भएको छ । रामेछापको सदरमुकाम मन्थलीमा सोमबार सम्पन्न प्रथम रामेछाप जिल्ला भेलाले गणेश खड्काको अध्यक्षतामा ९ सदस्यीय समिति रहने गरी नेपाल हेभी इक्वीपमेन्ट अपरेटर संघको जिल्ला कार्य समिति गठन गरेको हो ।
समितिको उपाध्यक्षमा विष्णु कुमार प्रधान, सचिममा भिम बहादुर पाण्डे, सहसचिवमा विकास लामा र कोषाध्यक्षमा प्रवेश श्रेष्ठ चयन भएका छन् । त्यस्तै समितिको सदस्यमा बिरबल माझी मात्रै चयन भएका छन् । नौ सदस्यीय समितिमा तीन जना सदस्य चयन हुन बाँकी रहेको सुमन खड्कले बताए । कार्यक्रम सफल बनाउन सहजीकरणको भूमिका समेत खेलेका खड्काका अनुसार चयन हुन बाँकी तीन जना सदस्यलाई सबै पालिकाको प्रतिनिधित्व हुने गरी भर्खरै बनेको समितिले चयन गर्ने गरी कार्यक्रम सम्पन्न भएको छ ।
नव निर्वाचित अध्यक्ष गणेश खड्काले जिल्लामा पहिलो पटक गठन भएको समितिले जिल्लामा रहेका हेभी इक्वीपमेन्टमा कार्यरत चालकहरुको हकहितमा काम गर्ने बताए । उनले यसअघि आफूहरु एक्ला–एक्लै हुदाको समयमा काम गर्दा धेरै समस्या र चनौतीहरु भोग्नु परेकाले अब त्यस्ता समस्या र चुनौतीसँग संघ लड्ने बताए ।
भेलामा बोल्दै जिल्ला समन्वय समिति रामेछापका सदस्य पुर्ण बहादुर महतले देश विकासमा महत्वपूण योगदान गर्ने हेभी इक्वीपमेन्टका चालकहरुको सबैले सम्मान गर्ने पर्ने बताए । कार्यक्रमको विशिष्ट अतिथि समेत रहेका महतले भर्खरै गठन भएको समितिलाई बधाई दिदैँ जिल्ला समन्वय समितिको तर्फबाट सधैँ सहयोग हुने बताए ।
भेलामा बोल्दै नेपाल हेभी इक्वीपमेन्ट अपरेटर संघका केन्द्रीय अध्यक्ष सन्तोष कुमार श्रेष्ठले एक दशक देखिको संघर्षपछि नेपाल हेभी इक्वीपमेन्ट अपरेटर संघको जिल्ला शाखा विस्तार गर्न रामेछाप आउन पाउँदा आफू निकै खुसी भएको बताउँदै अब केही समय भित्रै देशैभरीका करिव ६० हजारको हाराहारीमा रहेका हेभी इक्वीपमेन्ट चालकहरु एक हुने धारणा राखे । अध्यक्ष श्रेष्ठले व्याहोको लोडर, डोजर, क्रेन, स्काइभेटर, ग्रेडर लगायत निर्माण क्षेत्रमा प्रहयो हुने ठूला साधान चलाउने चालकलाई राज्यले बेवास्ता गरेको भन्दै नेपाल हेभी इक्वीपमेन्ट अपरेटर संघले विगत देखि उठाउँदै आएका मागलाई पुरा गर्न राज्यलाई आग्रह गरे ।
नेपाल हेभी इक्वीपमेन्ट अपरेटर संघ संस्थापक अध्यक्ष एवं वरिष्ठ सल्लहाकार टि.वि. विश्वकर्माले देशको भौतिक विकास निर्माणमा हेभी इक्वीपमेन्ट चालकहरुको महत्वपूर्ण योगदान रहेको बताए । उनले हेभी इक्वीपमेन्ट चालक र उनिहरुका परिवारलाई विद्युत र यातायात निःशुल्क गरिदिनु पर्ने, काम गर्दा गर्दै चालकको ज्यान गए शहिद घाषणा गर्नु पर्ने, विमाको रकम बढाएर २० लाख भन्दा माथी पु¥याउनु पर्ने लगायतका मागहरुमा राज्यले पूरा गर्नु पर्ने धारणा राखे ।
नेपाल हेभी इक्वीपमेन्ट अपरेटर संघका केन्द्रीय वरिष्ठ उपाध्यक्ष रामकुमार तिामाङको अध्यक्षतामा भएको कार्यक्रममा नेपाल हेभी इक्वीपमेन्ट अपरेटर संघ बागमती प्रदेशका संयोजक भुवन बहादुर तम्तेल लगायतले आ–आफ्नो धारणा राखेका थिए ।
कार्यक्रममा निर्माणव्यवसायीको तर्फबाट निरन्जी खड्का अथिति रहेका थिए भने जिल्लका हेभी इक्वीपमेन्टका चालकहरुको सहभागीता रहेको थियो ।
