दुर्गा भुजेल काठमाडौ- एबि इन्टरनेशनल क्लव र नेपाली प्रबासि समाजको संयुक्त रुपमा आयोजित निशुल्क भोजन , स्वास्थ्य शिबिर ,एबं रक्तदान कार्यक्रम शनिबार सम्पन्न भएको छ ।
समाज परिवर्तन नै हाम्रो अभियान रक्तदान नै जीवनदान भन्ने मुल नाराका साथ आयोजित उक्त कार्यक्रम बिजि महलको प्राङ्गणमा सञ्चालन गरिएको थियो । उक्त कार्यक्रममा नेपाल रेडक्रस केन्द्रीय र रक्तसञ्चार सेवा र चिरायु नेशनल हस्पिटल बसुन्धराले नि:शुल्क रुपमा स्वास्थ्य सेवा प्रदान गरेका थिए । बिहान ८ बजे देखि दिउँसो चार बजे सम्म रहेको कार्यक्रममा ३ सय जनाले रक्तदान गरेका थिए भने ४ सय जना भन्दा बढिले जनरल स्वास्थ्य परिक्षण गराएका थिए । त्यसैगरि २ सय ५० जनाले नि:शुल्क भोजन समेत गरेका क्लबका अध्यक्ष लोक बिक्रम मल्लले जानकारी दिए । यस्ता सामाजिक कार्यले समाज परिवर्तन मा टेवा पुर्याउने र आगामी दिनहरुमा पनि अझ राम्रा राम्रा कार्य गर्दै सहयोग गर्ने समेत मल्लले बताए । यस कार्यक्रममा प्रतक्ष एबं अप्रत्यक्ष रुपमा सहयोग गर्नुहुने सम्पूर्ण लाई धन्यवाद समेत ब्यक्त गरेका थिए ।
पूर्व मन्त्री शंकर भण्डारीको प्रमुख आतिथ्यतामा आयोजित उक्त कार्यक्रम भब्य र सभ्य रुमा सम्पन्न भएको थियो । उक्त कार्यक्रम लाई सम्बोधन गर्दै मन्त्री भण्डारीले यस कोरोनाको महामारी को बेला रगतको अभाव भइरहेको बेला रक्तदान कार्य गरिनु उल्लेखनीय कार्य रहेको बताउनु भयो । त्यसै गरि निशुल्क स्वास्थ्य परिक्षण गराएर सहयोग गर्न पाउँदा असाध्यै खुसि महसुस भएको चिरायु नेशनल हस्पिटलका बिजनेस डेभलपमेन्ट मेनेजर हिमाल बहादुर रानाले बताए ।
