रामेछाप– नेपाली काँग्रेस लिखुतामाकोशी–काठमाण्डौ सम्पर्क समितिले पालिकाका सबै वडामा व्यक्तिगत स्वास्थ्य सुरक्षका सामग्री, मेडिकल उपकरण र औषधि वितरण गरेको छ । समितिले गाउँपालिकासँग समन्वय गरी सबै वडालाई पुग्ने गरी २० हजार थान सर्जिकल माक्स, २ सय लिटर स्यानीटाइजर, ३० थान पिपिई, १५ थान थर्मल गन, १५ थान थर्मोमिटर, १५ थान फेससिल, १४ थान अक्सिमिटर र सात प्याकेट सिटामोल वितरण गरिएको समितिले बताएको छ ।
पालिकाको गाउँगाउँमा कोरोना भाइरस संक्रमण देखिन थालेपछि संक्रमण रोक्नको लागि समितिको पहलमा पालिकाका सबै वडाको नेपाली काँग्रेस निकट व्यक्तिहरुबाट रकम उठाएर करिव पाँच लाख बराबरको स्वास्थ्य सामग्री वितरण गरिएको नेपाली काँग्रेस लिखुतामाकोशी–काठमाण्डौ सम्पर्क समितिका अध्यक्ष सुवाश दाहालले बताए । “कोरोना महामारीले गाउँ नै तहस नहस बनाउन लागी सक्यो यस्तो बेला हामी सबै मिलेर कुनै स्वार्थ नराखी कोरोना रोक्न लाग्नु पर्छ, अध्यक्ष दाहालले भने, देशभरी नै स्वास्थ्य सामग्री अभाव भइरहेको बेला हामीले विभिन्न माध्यमबाट यि सामग्री जुटाएर सहयोग गरेका हौँ ।”
समितिले दिएका माक्स पालिकाका ७ ओटै वडाका आम नागरिकलाई समेत पुग्ने गरी वडा कार्यालय मार्फत सामग्री दिएको उनले बताए । समितिले दिएका सामग्रीलाई उचित रुपमा प्रयोग गर्न आग्रह गर्दै आध्यक्ष दाहालले कोरोना संक्रमणबाट बच्न सबैले स्वास्थ्य सुरक्षका मापदण्डलाई पूर्ण पालना गर्नु पर्नेमा जोड दिए ।
लिखुतामाकोशी गाउँपालिकामा दोस्रो लहरको सुरु देखि हाल सम्म ६५ जनामा कोरोना संक्रमण पुष्टि भइसकेको छ ।
आफ्नो प्रतिकृया दिनुहोस्