रामेछाप– कालिका देवी सेवा समाज देउरालीले जिल्ला अस्पताल रामेछापको आइसोलशन बसेका र बेड भर्ना भएर उपचाररत कोरोना संक्रमितहरुलाई फलफूल वितरण गरेको छ । अस्पतालमा केहि समय अघि देखि अस्पतालको आइसोलेशनमा बसेका र बेड भर्ना भएर उपचार गराई रहेका १४ जना कोरोना संक्रमितहरुलाई अस्पतालमै पुगेर समाजका अध्यक्ष सरोज श्रेष्ठले बिहिबार फलफूल र सरसफईका लागि सावुन वितरण गरेका हुन् ।
कोरोना संक्रमितलाई समाजले नराम्रो दृष्टिले हेर्दा उनिहरुको आत्मबल घट्ने हुँदा कोरोनासँग जुधिरहेका संक्रमितहरुको आत्मबल बढाउनको लागि पनि अस्पतालमै पुगेर उनिहरुलाई भेटेरै स्वास्थ्य अवस्था बुझ्दै केहि दिनका लागि फलफूल दिएको अध्यक्ष श्रेष्ठले बताए । संक्रमितहरुको स्वास्थ्य लाभको कामना गर्दै कोरोना संक्रमणबाट बच्नको लागि सबैले स्वास्थ्यका मापदण्ड पूरा गर्नु पर्ने उनको भनाई रहेको छ ।
आफ्नो प्रतिकृया दिनुहोस्