रामेछाप– बागेश्वरी अशल शासन क्लब (बास) जिल्ला शाखा रामेछापको अध्यक्षमा युवराज श्रेष्ठ निर्वाचित भएका छन् । बास रामेछाप शाखाको बुधबार मन्थलीमा भएको दोस्रो जिल्ला अधिवेशनमा श्रेष्ठ रामेछापको अध्यक्षमा निर्विरोध निर्वाचित भएका हुन् ।
समितिको उपाध्यक्षमा एलिना लामा, सचिवमा यादव केसी, सहसचिवमा मिलन विक र कोषाध्यक्षमा विपना थापा निर्वाचित भएका छन् । त्यस्तै समितिको सदस्यहरुमा क्रमशः शुष्मा भण्डारी, सविना कार्की, निरमाया तोलाङ्गे, आरती खड्का, दिपा महत, अनिता थापामगर, सन्तोष खत्री र विमल पौडेल निर्वाचित भएका छन् । समितिका पदाधिकारी र सदस्य सबै निर्विरोध निर्वाचित भएका हुन् ।
बासका केन्द्रीय अध्यक्ष रमेश सिटौलाले नयाँ कार्यसमितिलाई बधाई दिदै समितिले जिल्लामा भएका विभिन्न निकायहरुमा हुने भ्रष्ट्राचारको विरुद्धमा आवज उठाउँदै शुसान कायम गर्ने गरी काम गर्ने विश्वास व्यक्त गरे ।
कार्यक्रम बास रामेछाका अध्यक्ष ज्ञानु श्रेष्ठको अध्यक्षता एवं बासका केन्द्रीय अध्यक्ष रमेश सिटौलाको प्रमुख आतिथ्यता भएको हो ।
