रामेछाप– सधैं जसो एउटै शैलीमा कार्यक्रम हुने मन्थलीको जिएस होटलमा शनिबारको कार्यक्रम सधैंको भन्दा निकै भिन्न शैलीको थियो । कार्यक्रमको नाम थियो संसदीय बैठक (पार्लमेन्टी मिटिङ) को अभ्यास । कार्यक्रमको नाम जस्तै निश्चित उमेर समूहका मानिस, निश्चित समय अनि महत्वपूर्ण विषयबस्तु ।
एक दिनको लागि तय गरिएको कार्यक्रममा १८ वर्ष पुरा भई ४० वर्ष ननाघेका मानिसको समूह रहेको थियो । करिव ६० जना सहभागी रहेको उक्त हलको कार्यक्रम यसकारण पनि महत्वपूर्ण थियो । जहाँ संसदीय बैठक संचालनको तालिम भएको थियो ।
रामेछाप जेसिजमा आवद्ध सदस्यहरुका लागि राखिएको तालिममा नेपाल जेसिज बर्ष २०२१ क्षेत्र ‘ग’ का निरुपित कार्यकारिणि उपाध्यक्ष शिव प्रसाद भुसालले प्ररिक्षाण गरेका थिए ।
रामेछाप जेसिज वर्ष २०२१ का अध्यक्ष जीवन कार्कीको अध्यक्षतामा भएको कार्यक्रममा संसद बैठक बारेमा पूर्ण जानकारी गराइएको थियो ।
कार्यक्रममा मन्थली नगरपालिका वडा नं १ का वडाध्यक्ष नारायणदाश श्रेष्ठ, नेपाल जेसिज बर्ष २०२१ क्षेत्र ‘ग’ का निरुपित उपाध्यक्ष विमला सुवेदी कार्की लगायतको सहभागिता रहेको रामेछाप जेसिजका महासचिव सन्तोष खत्रीले जानकारी दिए ।
