रामेछाप– नेकपा एमाले माधवकुमार नेपाल समूहले चैत ४ र ५ गते बोलाएको राष्ट्रिय भेलाको नेकपा एमाले ओली समूह रामेछापले गम्भिर ध्यानाकर्षण भएको बताएको छ । मंगलबार सदरमुकाम मन्थली स्थित नेकपा एकाले पार्टी कार्यालयमा पत्रकार सम्मेलन मार्फत पार्टीको विधि र विधान विपरित गुटगत भेलाको आयोजना गरेर पार्टीलाई कमजोर बनाउने खेलमा उक्त समूह लागेको भन्दै भेलामा सहभागी नहुन नुरोध गरेको छ ।
नेकपा एमाले रामेछापले एक अपिल जारी गर्दै नेकपा एमाले केन्द्रिय कमिटिको नामको दुरुपयोग गरी २०७७ चैत्र ४ र ५ गते काठमाण्डौमा आयोजना गरिएको भनिएको कथित राष्ट्रिय भेलामा सहभागी हुन भनि नेकपा एमाले रामेछापसँग आवद्ध नेता, कार्यकर्ता तगा सदस्यहरुलाई विभिन्न माध्यमबाट झुटा सूचना जारी गरिएको प्रति नेकपा एमाले जिल्ला संगठन कमिटिको गम्भिर ध्यानाकर्षण भएको जनाएको छ ।
नेकपा एमाले अध्यक्ष आनन्द कुमार श्रेष्ठ र सचिव पुरुषोत्तम कडरियाद्वारा हस्तक्षरित अपिल पत्रमा लेखिएको छ– ‘काठमाण्डौमा आयोजना गरिएको भनिएको कथित भेला र बैठकहरु आम कार्यकर्ताहरुको रगत र परिनाबाट निर्माण भएको प्राण भन्दा प्यारो पार्टी नेकपा एमालेलाई कमजोर बनाउने, बिभाजन गर्न तर्फ सहयोग पु¥याउने कुत्सित मनसायले गरिएको होकि भन्ने गम्भिर आशंका पैदा गरेको छ ।’
एउटा गुटले गर्न लागेको भेलामा नेकपा एमाले रामेछापसँग सम्बन्धित सम्पूर्ण पार्टी सदस्यहरुलाई उक्त भेलामा सहभागि नहुन अनुरोध समेत गरेको छ । विधि र विधान विपरित गुटगत भेलाको आयोजना गरेको हुँदा यदि त्यो भेलामा नेकपा एमालेका संगठति नेताहरुले सहभागिता जनाएको पाइएमा पार्टीले कारबाही गर्ने अध्यक्ष आनन्द कुमार श्रेष्ठले पत्रकार सम्मेलनमा जानकारी गराए ।
अध्यक्ष केपी ओलीले बालुवाटारमा आफ्नो समूहको बैठक राखेर अध्यक्ष र महासचिवबाहेक सबै पदाधिकारी खारेज गर्ने निर्णय गरे लगत्तै एमाले नेपाल समूहले शुक्रबार साँझ नयाँबानेश्वरस्थित एक होटलमा बैठक राखेर चैत ४ र ५ गते राष्ट्रिय भेलाको आयोजना गर्ने बताएको थियो ।
यस्तो छ अपिल पत्र
