रामेछाप– जिल्ला खेलकुद विकास समिति रामेछापको आयोजनामा जिल्लामा पहिलो पटक भएको (टग अफ वार) डोरीतान प्रतियोगितामा मन्थली नगरपालिका बिजेता भएको छ । जिल्लाका ८ स्थानीय तहबाट ८ टिम सहभागि रहेको प्रतियोगितामा खाँडादेवीलाई पछि पार्दै मन्थली नगरपालिकाले जित हात पारेको हो ।
जिल्ला समन्वय समितिको खेल मैदनमा शनिबार भएको (टग अफ वार) डोरीतान प्रतियोगितामा खाँडादेवी गाउँपालिका उपबिजेता भएको छ । प्रतियोगितामा बिजेता हुने टिमलाई नगद २० हजारको नगदको साथमा शिल्ड, मेडल र प्रमाणपत्र प्रदान गरिएको जिल्ला खेलकुद विकास समिति रामेछापका प्रमुख केशब कटेलले बताए । कटेलका अनुसार उपबिजेता हुने टिमलाई १५ हजार नगदको साथमा शिल्ड, मेडल र प्रमाणपत्र प्रदान गरिएको छ ।
जिल्लामा पर्यटन प्रवद्र्धन गर्ने उद्देश्यले प्रतियोगिताको आयोजना गरिएको जिल्ला खेलकुद रामेछापका अध्यक्ष राजेश श्रेष्ठले बताए । कोरोनाको कारण प्राय ठप्पा जस्तै भएको खेलकुदलाई बिस्तारै गर्दै जाने बताउँदै अध्यक्ष श्रेष्ठले डोरीतान प्रतियोगिताबाट खेलकुदको सुरुवात भएको दावी गरे ।
प्रमुख जिल्ला अधिकारीको टिम र रामेछाप उद्योग वाणिज्य संघको टिमबीच मैत्रीपूर्ण खेल खेलेर प्रतियोगिताको उद्घाटन भएको थियो ।
