रामेछाप- सदरमुकाम मन्थलीमा आयोजित निःशुल्क छाला तथा यौन रोग परिक्षण शिविरमा ९० जनाले सेवा लिएका छन् । मन्थली पोलिक्लिनिक एण्ड डाईग्नोशिस सेन्टर र दिलश्री मेडिकल हलले शनिबार आयोजना गरेको एक दिने निःशुल्क छाला तथा यौन रोग परिक्षण शिविरमा छाला र यौन रोगको समस्या भएका व्यक्तिहरुले सेवा लिएका हुन् ।
छालाको रोग र यौन रोग भएका व्यक्तिहरुलाई शिक्षण अस्पतालका छाला तथा यौन रोग विशेषज्ञ अमृता श्रेष्ठले परिक्षण गरेकी थिइन् । परिक्षणको क्रममा गर्मी, धुवा धुलो, सुख्खा खानपान, पानीको अभाव, बाह्य वातावरण आदिका कारण छालामा समस्या देखिएको चिकित्सकले बताएका छन् । परिक्षण गरिएका अधिकासं व्यक्तिहरुलाई औषधी दिइएको र थप उपचार गर्नु पर्ने केही विरामीलाई भने छाला रोगको उपचार हुने अस्पतालहरुमा सिफारिस गरिएको उपचारमा संलग्न चिकित्सकले बताए ।
९० जना सहभागी भएको शिविरमा ८९ जनालाई छालाको समस्या देखिएको र १ जनालाई यौन रोगको समस्या देखिएको मन्थली पोलिक्लिनिक एण्ड डाईग्नोशिस सेन्टरका संचालक मोहन श्रेष्ठले बताए । उनका अनुसार परिक्षण पूर्र्ण रुपमा निःशुल्क गरिएको थियो भने औषधी प्रयोग गर्नु पर्ने विरामीले औषधी बापतको पैसा तिरेका छन् ।
मन्थली पोलिक्लिनिक एण्ड डाईग्नोशिस सेन्टर र दिलश्री मेडिकल हलले यस अघि पनि विभिन्न रोगहरुको निःशुल्क परिक्षण तथा उपचार गर्दै आएका छन् ।
आफ्नो प्रतिकृया दिनुहोस्