रामेछाप– रामेछाप उद्योग वाणिज्य संघको स्थापना भएको २८ वर्ष पुरा भएको छ । २०४९ साल फागुन २१ गते अर्थात २८ वर्ष अघि आजकै दिन प्रज्वल कुमार बज्राचार्यको अध्यक्षतामा ११ सदसिय कार्यसतिबाट सुरु भएको रामेछाप उद्योग वाणिज्य संघले शुक्रबार २८ औं स्थापना दिवस मनाएर संस्थाक पदाधिकारी र सदस्यहरुलाई सम्मान गरेको छ ।
संघले आफ्नो स्थापना दिवसको अवसर पारेर संस्था स्थापना गरेर यहाँ सम्म ल्याउन महत्वपूर्ण योगदान पु¥याएको भन्दै संस्थापक पदाधिकारीहरु अध्यक्ष प्रज्वल कुमार बज्राचार्य, उपाध्यक्ष नारायणदाश श्रेष्ठ, सचिव रामकुमार श्रेष्ठ र कोषाध्यक्ष प्रेम नारायण श्रेष्ठलाई ढाका टोपी लगाएर प्रंसशा पत्र प्रदान गर्दै सम्मान गरेको छ । त्यस्तै सम्मानित हुने संस्थापक सदस्यहरु क्रमशः विष्णु बहादुर मगर, विष्णु बहादुर मगर, श्री कुमार श्रेष्ठ, मोहनकुमार श्रेष्ठ, काजीदाश श्रेष्ठ र हरि बहादुर लामा रहेका छन् । त्यस्तै संघले स्वर्गीय सदस्यहरु गोपाल ढुंगेल र कृष्णदाश श्रेष्ठको परिवारलाई सम्मान पत्र दिएर सम्मान गरेको छ ।
कार्यक्रममा बोल्दै मन्थली नगरपालिकाका नगरप्रमुख रमेश कुमार बस्नेतले उद्योगी व्यवसायिहरुको हितमा काम गर्ने गरी स्थापना भएको रामेछाप उद्योग वाणिज्य संघले उद्योगी तथा व्यवासायिहरुको समस्यामा साथ दिनु पर्ने बताए । नगर प्रमुख बस्नेतले व्यासायिहरुले नीति नियम भित्र काम गर्नु पर्नेमा जोड दिदै मन्थली नगरपालिका भित्रै रहेको उद्योग वाणिज्य संघ र व्यासायिहरुलाई सधैं सहयोग गर्ने प्रतिवद्धता जनाए ।
त्यस्तै रामेछापका निमित्त प्रमुख जिल्ला अधिकारी तुलाराम सुनुवारले २८ वर्ष अघि जिल्ला प्रशासन कार्यालयमा दर्ता भएर व्यवसायीहरुको हितमा काम गर्दै आएको संस्थालाई जिल्ला प्रशासन कार्यालयको सधैँ साथ रहने बताए । कार्यक्रममा बोल्दै रामेछाप उद्योग वाणिज्य संघका पूर्व अध्यक्ष एंव नेपाल उद्योग वाणिज्य महासंघ वागमती प्रदेशका कार्यकारिणी सदस्य श्याम थापाले कोरोना पछि उद्योगी तथा व्यवसायीहरुले धेरै समस्याहरु खेप्दै जानु परेको धाराण राखे । उनले समृद्ध देश बनाउनको लागि उद्योगी तथा व्यवसायीहरुको महत्वपूर्ण भूमिका भएकाले राज्यले उद्योगीहरुले भोग्दै आएका समस्याको पहिचान गरेर समधान गर्नु पर्नेमा जोड दिए ।
त्यस्तै रामेछाप उद्योग वाणिज्य संघका अध्यक्ष केशव प्रसाद घिमिरेले संघको स्थापना कालदेखि अहिलेको अवस्था सम्मा ल्याउन सहयोग गर्ने संस्थापक समितिलाई धन्यबाद दिदैँ पुर्व पदाधिकारी र समितिका सदस्यहरुको सल्लहा अनुसार नै अगाडी बढ्ने बताए । उनले उद्योगी एवं व्यवसायीहरुका समस्याहरु दिन प्रति दिन थपिदै गएकाले सरोकारवाला निकायहरुलाई त्यस्ता समस्या समधानको आ–आफ्नो ठाउँबाट पहल गर्न आग्रह गरेका छन् ।
त्यस्तै संस्थापक उपाध्यक्ष नाराणदाश श्रेष्ठले २८ वर्ष अगाडि स्थापना भएको रामेछाप उद्योग वाणिज्य संघले २८ वर्षे यात्रामा व्यवसायिक हितमा काम गरेको बताउँदै बाँकी पनि संघले व्यवसायिक हितमा काम गर्नु पर्नेमा जोड दिए ।
२८ वर्ष अघि स्थापना भएको भएपनि रामेछाप उद्योग वाणिज्य संघले यस वर्ष देखि मात्रै आफ्नो स्थापना दिवस मनाउन थालेको कार्यकारी अधिकृत नबीन केसीले बताए । यस वर्ष देखि सुरु गरिएको स्थापना दिवस मनाउने कार्यक्रम अब निरन्तर हुने पनि कार्यकारी अधिकृत केसीले बताए ।
२८ वर्षको यात्रामा रहेको रामेछाप उद्योग वाणिज्य संघमा हाल १ हजार ३ सय ५१ जन सदस्यहरु रहेका छन् । जसमा ४ सय ७८ जना उद्योग तर्फ र ८ सय ७३ जना वाणिज्य तर्फ रहेका छन् ।
आफ्नो प्रतिकृया दिनुहोस्