रामेछाप– नेपाली काँग्रेसका युवा नेता एवं केन्द्रीय सदस्य प्रदिप पौडेलले कम्युनिस्टहरु प्रतिको भ्रम समाप्त भएको बताएका छन् । नेपाली काँग्रेस रामेछापले आयोजना गरेको पार्टी प्रवेश कार्यक्रममा बोल्दै युवा नेता पौडेलले कम्युनिस्ट पार्टीहरुले आफूहरुलाई गरिव, दलित, भूमीहिन, जनजाति लगायतको पार्टी भनेर फैलाएको भ्रम अहिले आएर समाप्त भएको बताएका हुन् ।
आम नागरिकलाई विगत देखि नै भ्रममा पार्दै आएका कम्युनिस्ट पार्टीले अहिले दुई तिहाई नजिकको समर्थन पाउँदा पनि पुरा गर्न नसक्दा उनिहरुको भ्रमको खेती सधैंका लागि समाप्त भएको नेता पौडेलले धाराण राखे । ‘कम्युनिस्ट भन्ने ट्रेड मार्क गरिवको हो, किसानको हो, मज्दुरको हो भन्ने कुरा ब्याप्त बनाइयो, नेता पौडेलले भने, ‘जसको कारण काँग्रेस प्रति विभिन्न भ्रमहरु फैलिए । तर अहिले आएर त्यो कुरा उनिहरुकै नेताबाट प्रष्ट भयो कि उनिहरु गरिव, किसान र मज्दुरको पार्टी हैनन् ।’
२०७२ सालमा सुशिल कोरइलाको नेतृत्वमा बनेको संविधानमा टेकेर २०७४ सालमा शेर बहादुर देउवाको नेतृत्वमा निर्वाचन भएपछि बनेको नेपाल कम्युनिस्ट पार्टीको बहुमतको सरकारले जनतालाई दिएका आश्वासन पुरा गर्न नसक्ने नेपाल कम्युनिस्ट पार्टीले देशमा केही पनि गर्न नसक्ने बताउँदै नेता पौडेलले अबको एक मात्र वैकल्पिक पार्टी नेपाली काँग्रेस भएको धाराण व्यक्त गरे ।
नेपाली काँग्रेस रामेछापले आयोजना गरेको पार्टी प्रवेश कार्यक्रममा गोकुलगंगा गाउँपालिका वडा नं ६ फर्पुका नेकपा वडा सचिब सिताराम खड्कालाई नेपाली काँग्रेसेको सदस्यता दिँदै काँग्रेस नेता पौडेलले बर्षौ देखि नेकपाबाट पीडित भएका सिताराम खड्का जस्ता नेताहरुलाई नेपाली काँग्रेसले सम्मानजनक स्वागत गर्नु पर्ने बताए ।
