रामेछाप– रामेछाप उद्योग वाणिज्य संघको अगुवाईमा मन्थली बजार सरसफाई गरिएको छ । प्रजातन्त्र दिवसको पूर्वसन्ध्यामा रामेछाप उद्योग वाणिज्य संघको अगुवाइमा प्रमुख जिल्ला अधिकारी, सुरक्षा निकायका प्रमुख, रामेछापा उद्योग वाणिज्य संघका पदाधिकारी सहितको टोलीले बिहिबार बिहान मन्थली बजार सरसफाई गरेका हुन् ।
मन्थली बजारलाई पूर्ण रुपमा सफा राख्नको लागि आगामी दिनमा बजारबासीलाई समेत सहभागी गराउने उद्देश्यले मन्थलीको देवकोटा चोकबाट कटहरबोट, बसपार्क, ट्राफिक बिट हुँदै हाटेचौर सम्ममा सरसफई गरिएको रामेछाप उद्योग वाणिज्य संघले बताएको छ ।
बजार सरसफाइमा समेत सहभागी भएका रामेछापका प्रमुख जिल्ला अधिकारी अर्जुन कुमार शर्माले बजारलाई पूर्ण सफा राख्नको लागि बजारबासीले आफ्नो घरआगन सरसफइमा ध्यान दिनु पर्नेमा जोड दिए । प्रजिअ शर्माले बजार क्षेत्र भएकाले बजारबासीलाई बजरबाट दैनिक रुपमा निस्कने फोहोरलाई राम्रो सँग व्यवस्थापन गर्न अनुरोध गर्दै सफा शहर बनाउन सके स्वस्थ जीवन जिउनमा पनि सहयोग पुग्ने विश्वास व्यक्त गरे ।
त्यस्तै रामेछाप उद्योग वाणिज्य संघका अध्यक्ष केशव प्रसाद घिमिरेले बजारलाई सफा राख्न विभिन्न संघ संस्था र अभियान्तको प्रयासले मात्रै सम्भव नहुने भएकाले आफ्नो घर वा पसल अगाडी आफैले सरसफाई गर्न सके मात्र बजार सफा हुने धाराण राखे ।
आफ्नो प्रतिकृया दिनुहोस्